Proverbios 27:1-27
27 Ama paqarin p’unchay imachus ruwanaykimanta alabakuychu,manan yachankichu paqarin p’unchaykuna imachus pasananta.+
2 Ama qan kikiyki alabakuychu, jujkunan* alabanasuykiqa,manan simiykichu jatunchanasuyki, jujkunan* jatunchanasuykiqa.+
3 Llasan rumiqa, llasallataqmi aqopas,mana yuyayniyoqpa phiñachisqanmi ichaqa iskayninmantapas astawanraq llasan.+
4 K’araq phiñakuyqa millaymi, coleraypas millp’uq unu jinan,ichaqa, ¿pin envidiakuyta aguantanman?+
5 Aswan allinqa uyanpi imatapas niymi,munakuspa mana imanispapas niymantaqa.+
6 Aswan allinqa amigoq nanaqta anyakusqanmi,+enemigoq askha kutita much’aykuyninmantaqa.
7 Sajsasqa runaqa manan mielta munanchu,yarqasqa runapaqmi ichaqa jaya kaqpas misk’i.
8 Q’esanta saqepuq* phalaq animal jinanwasinta saqepuq runaqa.
9 Aceitepas inciensopas sonqotan kusichin,chhaynallataqmi juj amigoq sut’illanta yuyaychasqanpas runata kusichin.+
10 Ama amigoykita ni taytaykiq amigontapas saqeychu,ama sasachakuyniyki p’unchaypi wayqeykiq wasinta riychu.
Aswan allinqa qayllapi kaq amigon* karupi kaq wayqemantaqa.+
11 Churilláy, yachayniyoq kay, jinaspa sonqoyta kusichiway,+chhaynapin k’amiwaqniyman kutichisaq.+
12 Allin yuyayniyoq runaqa mana allin kaqtan reparan, jinaspan pakakun;+mana yuyayniyoqkunan ichaqa pasallanku jinaspa ñak’ariypi tarikunku.
13 Sichus juj runa mana reqsisqata garantizarqan chayqa p’achanta apakapuy,waj llaqtayoq warmita garantizarqan chaypas prendata mañakuy.+
14 Tutallamanta runamasinta kunkayoqta napaykuqtaqa*mana allinpaqmi* uyariqninqa qhawarinqa.
15 Rimapakuq esposaqa paramuqtin mana thanispa sut’uq wasi jinan.+
16 Payta jark’ayta atiqqa wayratapas jark’anqan,aceitetapas paña makinpin jap’inqa.
17 Fierrotaqa fierrowanmi filoyachikun,chhaynatan runapas amigonta allinyachin.*+
18 Higos sach’ata cuidaqqa rurusqantan mijunqa,+patronninta cuidaqpas jatunchasqan kanqa.+
19 Imaynan uyaqa unupi rikukun,chhaynallataqmi runaq sonqonpas juj runapi rikukun.
20 Sepulturapas* wañusqakunaq ismusqan ukhupas* manan sajsankuchu,+chhaynan runaq ñawinpas mana contentakunchu.
21 Imaynan qolqetapas qoritapas ch’uyanchanapaqqa ninapi unuyachikun,+chhaynallataqmi runapas alabasqa kaspa imayna kasqanta reqsichikun.
22 Kutanapi trigota jinaña mana yuyayniyoqta waqtawaq chaypas,manan sonso kayninqa chinkanqachu.
23 Allinta yachay ovejaykikuna imayna kasqanta.
Allinta cuiday* ovejaykikunata.+
24 Qhapaq kayqa manan wiñaypaqchu,+coronapas manan llapa miraykunapaqchu.
25 Q’omer q’achu chinkapuqtinqa mosoq q’achun wiñamun,plantatapas orqokunamantan pallakun.
26 Malta orqo ovejakunamantan p’achata ruwakunki,orqo cabrakunawantaq jallp’ata rantinki.
27 Askhan cabra lecheykipas kanqa,qanpas, familiaykipas, warmi kamachiykikunapas alimentakunaykichispaq.
Uraypi willakuykuna
^ Hebreo rimaypiqa “mana reqsisqan” ninmi.
^ Hebreo rimaypiqa “waj llaqtayoqmi” ninmi.
^ Chaypiqa “Q’esanmanta ayqekuq” nillanmantaqmi.
^ Hebreo rimaypiqa “wasimasin” ninmi.
^ Hebreo rimaypiqa “bendeciqtaqa” ninmi.
^ Hebreo rimaypiqa “ñakaypaqmi” ninmi.
^ Hebreo rimaypiqa “amigonpa uyanta filoyachin” ninmi.
^ Hebreo rimaypiqa “Abadonpas” ninmi.
^ Chaypiqa “Makilla qhaway” nillanmantaqmi.
