Salmos 105:1-45
-
Llaqtanrayku Dios allinkuna ruwasqanmanta
-
Rimanakusqanta Dios mana qonqasqanmanta (8-10)
-
“Aman ajllakusqaykunataqa llamiykunkichischu” (15)
-
José esclavo kasqanwan allinkunata Dios ruwasqanmanta (17-22)
-
Egiptopi milagrokunata Dios ruwasqanmanta (23-36)
-
Egiptomanta Israel lloqsimusqanmanta (37-39)
-
Abrahanman promesa ruwasqanta Dios yuyarisqanmanta (42)
-
105 ¡Jehová Diosman graciasta qoychis,+ sutinmanta wajakuychis,imakunachus ruwasqanta llaqtakunaman willamuychis!+
2 Payman takiychis, jatunchay takikunata takiychis,*llapa musphanapaq ruwasqankunapi yuyaymanaychis.*+
3 Ch’uya sutinmanta kusisqa rimaychis.+
Jehová Diosta maskhaqkunaq sonqon kusikuchun.+
4 Jehová Diosta maskhaychis,+ paypa kallpanpi confiaychis.
Tukuy tiempo paypa yanapayninta maskhaychis.
5 Musphanapaq ruwaykuna ruwasqanta yuyariychis,yuyariychis imaymana milagrokuna ruwasqanta, chaninchayninkunatapas.+
6 Tukuy chaykunata yuyariychis, kamachin Abrahanpa mirayninkuna,+tukuy chaykunata yuyariychis, Diospa ajllakusqan Jacobpa churinkuna.+
7 Payqa Jehová Diosmi, paymi Diosninchisqa.+
Paypa chaninchayninkunaqa llapa kay pachantinpin kashan.+
8 Payqa manan jayk’aqpas qonqanchu rimanakusqantaqa,+manan jayk’aqpas qonqanchu promesa ruwasqantapas.+
9 Yuyashallanmi Abrahanwan rimanakusqanta,+Isaacman jurasqantapas;+
10 chay rimanakuytan kamachikuyta jina Jacobman qorqan,Israelpaqmi wiñaypaq rimanakuyta jina churarqan.
11 Paytan nirqan: “Canaán jallp’atan qanman qosayki,+chay jallp’an qankunaq herenciaykichis kanqa”,+ nispa.
12 Chayta prometeshaqtinqa pisillaraqmi kasharqanku,+chay jallp’apipas forastero jinallan purisharqanku.+
13 Paykunaqa llaqtan-llaqtantan purirqanku,juj nacionmanta juj nacionmanmi purirqanku.+
14 Diosqa manan munarqanchu pipas paykunata ñak’arichinanta,+chaymi payqa reykunatapas anyarqan.+
15 Nirqanmi: “Aman ajllakusqaykunataqa llamiykunkichischu,aman profetaykunataqa imanankichispaschu”,+ nispa.
16 Chay ladokunapi yarqay kananpaqmi kamachikurqan,+chaypi runakunaq t’antantan qechurqan.*
17 Paykunaq ñaupantan juj runata kacharqan, Josetan kacharqan,+payqa esclavo kananpaqmi vendesqa karqan.
18 Chakintan cadenakunawan watarqanku,+fierrokunawanmi kunkanta jap’ichirqanku.
19 Jehová Diospa rimasqanmi payta ch’uyancharqan,imachus rimasqan junt’akunankaman ch’uyancharqan.+
20 Chaymantan reyqa kamachikurqan kacharipunankupaq,+llaqtakunata kamachikuq reymi kacharipurqan.
21 Chaymantataq wasinpi umalli kananpaq churarqan,llapa kaqninkunata qhawaqtan churarqan.+
22 Munasqanman jina llaqtanpi umallikunata kamachinanpaqmi churarqan,kuraq runakunaman allin yuyayniyoq kayta yachachinanpaqmi churarqan.+
23 Chay qhepamantaq Israelqa Egiptoman jaykurqan;+Cam runakunaq jallp’anpin Jacobqa forastero jina tiyarqan.
24 Chaypin Diosqa llaqtanta sinchi askhaman tukuchirqan,+cheqnikuqnin runakunamanta aswan kallpasapamanmi tukuchirqan.+
25 Diosqa jinallatan qhawarqan chay runakuna llaqtanta cheqnikunankuta,jinallatan qhawarqan kamachin runakuna contra jatarinankuta.+
26 Chaymantan payqa kamachin Moisesta kacharqan,+kachallarqantaqmi Aarontapas,+ paytan ajllasqa Moisesta riysinanpaq.
27 Iskayninkun imaymana señalkunata paykunaq* ñaupanpi ruwarqanku,Cam runakunaq jallp’anpin imaymana milagrokunata ruwarqanku.+
28 Llapa Egipto jallp’atan Diosqa laqhayaqman* tukuchirqan;+chay iskaynin runakunaqa paypa llapa kamachisqantan kasukurqanku.
29 Llapa ununkunatan yawarman tukuchirqan,chaypi llapa challwakunatan wañuchipurqan.+
30 Llapa chay llaqtakunamanmi k’ayrakunata junt’achirqan,+reypa cuartonkunapipas junt’an k’ayrakunaqa kasharqan.
31 Tankayllukunatan* paykunaman chayachimurqan;ñut’u ch’uspikunan chay jallp’akunaman junt’aykurqan.+
32 Paratan chijchiman tukuchirqan,rayo t’ojaytan chay jallp’aman chayachimurqan.+
33 Uvas sach’ankutan, higos sach’ankutan ñut’urqan,llapa imaymana sach’ankutan ñut’urqan.
34 Paypa kamachisqanmi langostakuna* chayamurqan,mana yupay atiyraqmi malta langostakuna chayamurqan.+
35 Chay langostakunan llapa q’omerkunata tukupurqan,chajrakunapi llapa mijuykunatan tukupurqan.
36 Chaymantataq payqa llapa phiwi* wawakunata, ñaupaq wachay uywakunatapas wañuchipurqan,+llapa ñaupaq churiyasqakunatan tukuchipurqan.
37 Llaqtantaqa qolqentinta qorintintan lloqsichimurqan;+chay ayllukunamantaqa manan pipas pisiparqanchu.
38 Egipto runakunaqa kusisqan kasharqanku paykunaq ripusqanwan,paykunaqa Israel runakunatan sinchitapuni mancharikurqanku.+
39 Diosmi phuyuta kachamurqan Israel runakunata pakaykunanpaq;+tutapitaq ninawan paykunata k’ancharichirqan.+
40 Paykuna mañakuqtinmi payqa codorniz urpikunata qomurqan.+
Janaq pacha t’antatan paykunaman sajsanankukama mijuchirqan.+
41 Qaqatan kicharqan, chaymantan unu phawamurqan,+ch’in ch’aki pampapin mayu jinaraq unu purirqan.+
42 Kamachin Abrahanman ch’uya promesa ruwasqantan yuyarirqan.+
43 Llaqtantan orqomurqan, ajllakusqankunatan libramurqan,paykunataq kusisqa lloqsipurqanku,+ kusikuymanta takispan ripurqanku.
44 Waj nacionkunaq jallp’antan paykunaman qopurqan,+may sasawan llank’asqankutan paykunaq herencianpaq qopurqan.+
45 Payqa kamachikuyninkuna kasukunankutan munarqan,+leykuna qosqan junt’anankutan munarqan.
¡Jehová* Diosta jatunchaychis!*
Uraypi willakuykuna
^ Chaypiqa yaqapaschá “ruwasqankunata willaychis” nillanmantaq.
^ Chaypiqa “paypaq musicata tocaychis” nillanmantaqmi.
^ Hebreo rimaypiqa “t’anta k’aspinkutan p’akirqan” ninmi. Chaypiqa yaqapaschá t’antanku warkunanku k’aspimanta rimashan.
^ Chaypiqa yaqapaschá Egipto runakunamanta rimashan.
^ Laqhayaqtaqa “tutayaq” nillankutaqmi.
^ Tankaylluqa kanikuq jatun ch’uspi jinan.
^ Langostaqa jatun t’isku-t’isku otaq jatun ch’illiku jinan. Chay langostakunaqa sinchi q’aruqmi kanku.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
