Salmos 17:1-15
Davidpa mañakusqan.
17 Diosníy Jehová, chaninchapuwanaykipaq mañakusqayta uyariykuway,auxilio mañakusqayta uyariykuway,sonqomanta mañakusqayta uyariykuway.+
2 Chanin kaqta ruwapuway.+
Ñawiykikunaqa chanin ruwasqaykunata rikuchun.
3 Qanqa allintan sonqoyta t’aqwinki,tutakunapin allinta chayta qhawanki.+
Qanmi allinta ch’uyanchawanki.*+
Noqapiqa manan imatapas mana allintaqa tarinkichu,simiymantaqa manapunin imapas mana allinqa lloqsirqanchu.
4 Manan suwakunaq ñannintaqa purinichu,manan jujkuna jinaqa chay ñanmanqa jaykunichu,aswanmi noqaqa kamachikusqaykiman jina purini.+
5 Chakiykunaqa ñannillaykipi purichun,chhaynapin mana urmasaqchu.+
6 Diosníy, qantan wajakamushayki, qanqa uyariwankipunin.+
Ninriykita kutirichimuway, rimasqayta uyariykamuway.+
7 Mana tukukuq munakuyniykita admiranapaq jina rikuchiy.+
Qanqa paña ladoykipi pakakuqkunatan libranki,qan contra jatariqkunamantan libranki.
8 Ñawi ruruykita jina waqaychaway,+rafraykiq llanthunpi pakaykuway.+
9 Millay runaq noqa contra sayarisqanmanta pakaykuway,wañuchiyta munaq enemigoykunamanta jark’aykuway.+
10 Paykunaqa mana sienteq runakunan kanku,jatunchakuspan imatapas rimanku.
11 Paykunan muyuykushawanku,+urmachiyta munaspan maskhashawanku.
12 Aychanta llik’iyta munaq león jinan ima jinallaña kashanku,mijunanta jap’inanpaq suyapaq* malta león jinan kashanku.
13 Diosníy Jehová, sayariy,mana allin runa contra jatariy,+ payta atipay;chay runamanta espadaykiwan libraway.
14 Jehová Diosníy, kay pacha runakunaq makinmanta libraway,kay pachallapi* yuyayta churaqkunamanta qespichiway,+imaymanata qosqayki runakunamanta libraway,+wawankunaman askha herencia saqeqkunamantapas salvaway.
15 Noqaqa chaninta kausaspan uyaykita rikusaq,may kusisqan ñaupaykipi rijch’arisaq.+
Uraypi willakuykuna
^ Chaypiqa “ninawan ch’uyanchawanki” nillanmantaqmi.
^ Suyapaytaqa “suyaykuy” nillankutaqmi.
^ Chaypiqa “kay kausayllapi” nillanmantaqmi.
