Salmos 27:1-14
Davidpa takin.
27 Jehová Diosmi k’anchaykuwaqniyqa,+ librawaqniyqa,¿pitan noqa manchakuyman?+
Jehová Diosmi allin perqasqa llaqta jina waqaychawaqniyqa,+¿pimantan noqa khatatatayman?*
2 Cheqniwaqniy runakunan chinkachiyta munaspa phawaykamuwarqanku,+ichaqa paykunallataqmi misk’aspa wijch’ukurqanku.
3 Askha soldadokunaña muyuykamuwanman chaypas,manan sonqoyqa imatapas manchakunqachu.+
Noqa contraña guerra jatarinman chaypas,manan noqaqa Diosmantaqa kacharikusaqchu.
4 Noqaqa llapa kausasqay p’unchaykunan Jehová Diospa wasinpi tiyayta munani,chaytan Jehová Diosmanta mañakurqani,chaytan noqaqa maskhasaq,+chhaynapi Jehová Diospa sumaq sonqo kayninta rikunaypaq,chhaynapi wasintapas may munakuywan qhawarinaypaq.+
5 Ñak’ariy p’unchayqa paymi waqaychananpi pakaykuwanqa,+karpanpi kaq pakakunapin pakaykuwanqa,+alto patamanmi, jatunkaray qaqa patamanmi churawanqa.+
6 Umayqa muyuykuwaqniy enemigokunamanta aswan altopin kashan;karpanpin ancha kusisqa sacrificiokunata jaywasaq,jatunchay takikunatan Jehová Diosman takisaq.*
7 Diosníy Jehová, wajakusqayta uyarimuway,+khuyapayaykuway, wajakusqayman kutichimuway.+
8 Qanmanta rimaspan sonqoy niwan:
“Khuyapayayniyta tarinaykipaq kallpachakuy”, nispa.
Jehová Diosníy, khuyapayayniykita tarinaypaqmi kallpachakusaq.+
9 Ama uyaykita noqamanta pakaychu.+
Ama phiñasqa kashaspaqa wijch’uwaychu.
Qanllan yanapaqniyqa kanki.+
Libraqniy Dios, ama saqerpariwaychu, ama qonqarpariwaychu.
10 Taytayña mamayña wijch’upuwanman chaypas,+Jehová Diosmi noqataqa uywakapuwanqa.+
11 Diosníy Jehová, ñanniykikunata reqsichiway,+chanin ñanninta purichiway, chayninta pusariway,cheqniwaqniy runakunamanta pakaykuway.
12 Ama cheqniwaqniy runakunamanqa jap’ichiwaychu,+yanqa rimaq testigokunan noqa contra jatarimunku,+paykunaqa mana allinpi tarikunaytan munashanku.
13 ¿Iman noqamanta kanman karqan mana iñiqtiy?
¿Kausashallaymanchu karqan Jehová Diospa sumaq sonqo kayninta rikunaypaq?*+
14 Jehová Diospi suyakuy.+
Kallpachakuy, ama manchakuychu.*+
Jehová Diosllapipuni suyakuy.
Uraypi willakuykuna
^ Khatatataytaqa “kharkatiy” nillankutaqmi.
^ Chaypiqa “musicatan Jehová Diospaq tocasaq” nillanmantaqmi.
^ Chaypiqa yaqapaschá “Iñinin kay kausay pachapi Jehová Diospa sumaq sonqo kayninta rikunaypiqa” nillanmantaq.
^ Chaypiqa “sonqoykipas allin kallpachasqa kachun” nillanmantaqmi.
