Salmos 91:1-16
91 Tukuy atiyniyoq ancha jatun Diospa pakananpi tiyaqqa+ paypa llanthunpin tiyanqa.+
2 Jehová Diostan nisaq: “Qanmi pakakunayqa kanki,pakakunay allin perqasqa llaqtan kanki.+
Diosniymi kanki, qanpin jap’ipakuni”,+ nispa.
3 Paymi librasunki urpikunapaq trampa churaqmanta,paymi librasunki millay mast’arikuq onqoymanta.
4 Phurunkunawanmi pakaykusunki,rafrankunaq llanthunpin pakakunki.+
Junt’aq kayninqa+ pakakuna perqa jinan kanqa,jatun jark’apakuna escudo jinan kanqa.+
5 Manan manchay tutatapas manchakunkichu,+manan p’unchaypi flechakunaq phawasqantapas manchakunkichu.+
6 Manan tutapi millay onqoytapas manchakunkichu,manan chaupi p’unchaypi tukuchiqtapas manchakunkichu.
7 Waranqa runakunan ladoykipi urmanqa,chunka waranqan paña ladoykipi urmanqa,qantan ichaqa mana imapas pasasunkichu.+
8 Millay runakunaq castigasqa kasqantan rikunki,karullamantan llapa chaykunata qhawanki.
9 Qanmi nirqanki: “Jehová Diosmi pakakunayqa”, nispa.
Ancha jatun Diosmi tiyanayki wasi karqan.+
10 Chayraykun mana ima millaypas qanmanqa jamusunkichu,+manan ima millay onqoypas karpaykimanqa qayllaykamunqachu.
11 Paymi angelninkunata kachamusunki,+purisqaykipi waqaychanasuykipaqmi kachamusunki.+
12 Paykunan makinkupi apasunkiku,+ama ima rumiwanpas chakiykita takakunaykipaq.+
13 Leonkuna patapin, mach’aqwaykuna patapin purinki.
Malta leontapas jatun mach’aqwaytapas sarunkin.+
14 Diosmi nirqan: “Munakuwantaq chayqa librasaqmi.+
Sutiyta reqsisqanraykun paytaqa waqaychasaq.+
15 Paymi wajamuwanqa, noqataq uyarisaq.+
Llakikuypiña tarikuqtinpas paywanmi kashasaq.+
Paytan librasaq, jinaspan jatunchasaq.
16 Unay watakunatan kausachisaq, kusisqan kausanqa;+jatun ruwaykunawan salvasqaytan rikunqa”,+ nispa.
