Casarakushaspa esposaykiman otaq qosaykiman prometesqaykitaqa junt’anaykin, chaytan Jehová Diosqa munan (Mat. 19:5, 6). Diospa llaqtanpiqa askha casarasqa iñiqmasinchiskunan sumaqta kausanku. Chaywanpas kanpunin sasachaykunaqa. Chhaynapi tarikuspaqa manan ninaykichischu: “T’aqakuspaymi allinqa kasaq”, nispaqa. ¿Imakunatan ruwawaq qosaykiwan otaq esposaykiwan sumaqta kausanaykipaq?

Qhawarisun pisqa yanapaykunamanta.

1. Manan pitapas warmiykita jina pujllapayanaykichu, manataqmi qhelli ruwaykunata qhawanaykichu. Chayta ruwayqa manapunin allinchu (Mat. 5:28; 2 Ped. 2:14).

2. Tukuy atisqaykita ruway Diosta astawan munakunaykipaq, qosaykiwan otaq esposaykiwan sumaqta kausanaykipaqpas (Sal. 97:10).

3. Kallpachakuy munakuq, khuyapayakuq, sumaq sonqo kanaykipaq, qosaykiman otaq esposaykiman ima regalollatapas qoy, chaywanmi sonqonta kusichinki (Col. 3:8-10, 12-14).

4. Kallpachakuy qosaykita esposaykita sumaq simiwan rimapayanaykipaq (Col. 4:6).

5. Warmi-qhari puñuyniykichispas sumaqmi kanan (1 Cor. 7:3, 4; 10:24).

Casarasqa iñiqmasikunaqa qosankuta otaq esposankuta respetaspan Jehová Diosta respetashanku.

“AMA PISIPASPA PHAWASHALLASUN”: DIOSPA KAMACHIKUYNINKUNATA KASUKUSUN NISQA VIDEOTA QHAWASPA KAY TAPUYKUNAMAN KUTICHIY:

• Kusisqaña casarakuspa tiyankuman chaypas, ¿ima sasachakuykunapin tarikunkuman?

• ¿Imaynatan mana munanakuspa kausaq warmi-qharita Diospa kamachikuyninkuna yanapanman?

• ¿Imakunata ruwanankupaqmi Jehová Dios casarasqa warmi-qharita kamachin?

• ¿Imatan qosakunapas esposakunapas ruwananku sumaqta kausanankupaq?