Jehová Diosqa payta munakusqanchisrayku servinanchistan munan (Mat. 22:37, 38). Sichus yachachisqanchis runakuna Jehová Diosta munakunqaku chayqa, vidankutan cambianqaku, ima sasachaytapas aguantanqakun, kallpachakunqakutaq bautizakunankupaq (1 Juan 5:3).

Yachachisqanchis runaqa entiendenanmi Jehová Dios payta munakusqanta. Chaypaqmi kay jinata tapusunman: “¿Imatan Jehová Diosmanta kaypi yacharanchis?”, nispa. Otaq tapusunman: “¿Kay yachasqanchispi reparankichu Jehová Dios munakusqasuykita?”, nispa. Reparachinaykin Jehová Dios vidanpi yanapashasqanta (2 Crón. 16:9). Chaymantapas willanaykin imaynatachus Jehová Diosqa mañakusqaykiman kutichimuran chayta, kallpachaytaq mañakusqanman kutichimusqanta reparananpaq. Sichus yachachisqanchis runakuna Jehová Diosta munakunqaku, paypa amigonpas kayta munanqaku chayqa, anchatan kusikusunchis.

YACHACHISQANCHISKUNATA YANAPASUN JEHOVÁ DIOSWAN AMIGONTIN KANANKUPAQ NISQA VIDEOTA QHAWASPA, KAY TAPUYKUNATA KUTICHIY:

• ¿Imamantan Coral llakisqa kasharan?

• ¿Imanispan Rita Coralta yanaparan?

• ¿Imatan Coral ruwaran sasachayninta atipananpaq?