Ñaupaqmantapachan Diosta serviqkunaqa runakunaq mana ruway atisqanta ruwaranku, chaytaqa manan kallpallankuwanchu ruwaranku aswanpas Jehová Diospa yanapayninwanmi. 1954 watapin Diospa llaqtanta pusariqkunaqa Diospa llaqtanqa allintan llank’ashan nisqa peliculata ruwaranku. Chay ruwaypi yanapakuqkunaqa manan jayk’aqpas peliculakunata ruwaypi llank’arankuchu. Chaymi paykunaqa Diospa santo espiritunpa yanapayninwan chay videota ruwaranku. Noqanchispas Jehová Diospa yanapayninpi confiasun chayqa, ima kamachiwasqanchistapas atillasunmi ruwayta (Zac. 4:6).

DIOSPA LLAQTANQA ALLINTAN LLANK’ASHAN NISQA VIDEOTA QHAWASPA, KAY TAPUYKUNATA KUTICHIY:

• ¿Imanaqtinmi peliculata ruwaranku Betelpi llank’aq hermanonchiskunamanta?

• ¿Imaynapin Betelpi llank’aqkuna juj cuerpollapas kankuman jina llank’anku? (1 Cor. 12:14-20.)

• ¿Imakunapin iñiqmasinchiskuna tarikuranku, imaynatan chaykunata atiparanku?

• ¿Imanaqtinmi kay videota qhawasqanchis yanapawanchis Diospa santo espiritunta mañakunanchispaq?