6 YACHACHIKUY
¿Imatan yachasunman Noepa tiemponpi imachus pasasqanmanta?
Diosqa mana kasukuq runakunatan chinkachipurqan, Noetan ichaqa familiantinta salvarqan (Génesis 7:11, 12, 23).
Tawa chunka p’unchaytan tawa chunka tutatan pararqan. Lliu kay pachantinmanmi unu junt’aykurqan, chhaynapin llapa millay runakuna wañurqanku.
Mana kasukuq angelkunaqa aycha cuerponkuta saqespan Satanasman juñukapurqanku. Paykunan supaykuna kanku.
Arcapi kaq runakunallan salvakurqanku. Tiempowanqa Noepas familianpas wañupurqankun. Jehová Diosmi ichaqa kausarichimpunqa, jinaspan wiñaypaq kausanqaku.
Jehová Diosqa jujmantan millay runakunata chinkachinqa, munayninta ruwaq runakunatan ichaqa salvanqa (Mateo 24:37-39).
Saqrapas supaykunapas imaymanatan ruwashanku runakuna Jehová Diosta mana uyarinankupaq.
Noepa tiemponpi jinan kay tiempopipas askha runakuna Jehová Diosta mana kasukuyta munankuchu. Diosqa pisi tiempollamantan millay runakunata chinkachipunqa (2 Pedro 2:5, 6).
Ichaqa kanmi Noé jina Diospa munayninta ruwaq runakunapas. Paykunaqa Jehová Diospa testigonkunan kanku.
Astawan yachanaykipaq
BIBLIAQ WILLASQAN
Hatun parapi mana wañuqkuna
Imaynatan kay pachapi millay kawsay astawan yapakurqan? ¿Imaynatan Noé rikuchirqan iñiyniyoq kasqanta?
JUJ QELQAKUNA
¿Piqpa makinpin kay pacha kashanman?
Bibliapin chaymanta willashan. Chaypin willashan imaraykus chayta yachayqa allinpuni chayta, imas jamuq tiempoman pasanqa chaytapas.
