03 YACHACHIKUY
¿Confiasunmanchu Bibliapi?
Bibliapiqa imaymanakunamantan willashan. Munashankipunichá chaykunamanta astawan yachayta, ichaqa yaqapaschá iskayashanki. Nishankipaschá: “Bibliaqa unay tiempo libroñataq chayqa, ¿confiasunmanchu chaypi ima willasqanpipas? Rimanña sumaq kausay kananmanta chaypas, ¿cheqaqchu chay kanman?”, nispa. Ancha askha runakunan ninku: “Bibliaq rimasqanqa cheqaqmi”, nispa. ¿Imaraykun chhaynata piensankuman? Chaymanta yachasun.
1. ¿Pasarqanpunichu Bibliapi ima willasqanpas?
Bibliapiqa “k’apaj cheqaq simikunan” kashan (Eclesiastés 12:10). Ima pasasqanmantapas Bibliapi willasqanqa cheqaqmi. Chaypi willasqan runakunapas karqankupunin (leey Lucas 1:3; 3:1, 2). Ñaupa tiempo kausaymanta estudiaq runakunapas sut’itan willanku Bibliapi ima willasqanpas cheqaq kasqanta; pi runamantapas, ima llaqtamantapas, ima pasasqanmantapas willasqanpas llapallan cheqaq kasqanta.
2. ¿Imaraykun Bibliapi confiananchis unay tiempo libroña chaypas?
Bibliaqa ñaupa tiempomantapachan imatapas sut’inta willarqan. Kay jallp’a pacha imaynachus kasqanmanta, jujkunamantapas mana pantaspan willarqan. Chay tiempopi runakunan ichaqa mana allintachu chaykunamanta yacharqanku. Kunanraqmi yachakun imamantapas Bibliaq willasqanqa sut’i kasqanta, cheqaq kasqanta. Bibliapi simikunaqa “allintan pusawasun kunanpas wiñaykamapas” (Salmos 111:8).
3. ¿Imaraykun confiananchis jamuq tiempomanta Bibliaq imachus willasqanpi?
Bibliaqa ñaupaqmantapachan willan “imapas imayna tukunanta” (Isaías 46:10). Arí, Bibliaqa unay watakuna ñaupaqtañan willarqan jamuq tiempopi imakunachus pasananta. Chaymantapas Bibliapiqa ñan willarqanña kay tiempokunapipas imakunachus pasanan karqan chayta. Kaypin astawan yachasunchis Bibliapi imakuna willasqanmanta, imaynatachus chaykunaqa llapallan junt’akurqan chaytapas.
ASTAWAN YACHASUNCHIS
Kaypin yachasunchis imaynas allin estudioyoq runakunaq tarisqanqa Bibliaq nisqanwan tupan chayta, imaynas Bibliaq willasqankunaqa llapallan junt’akurqan chaytapas.
4. Bibliaq willasqanqa tupanmi allin yachaq runakunaq tarisqanwan.
Unay tiempokunaqa kay jallp’a pachanchis ima patapipas kashananpaqmi runakunaqa piensarqanku. VIDEOTA qhawaychis.
Bibliapin Job libropi chaymanta rimashan, chay libroq qelqakusqanmantaqa 3.500 wata jinañan pasarun. Leeychis Job 26:7 textota, jinaspa jamuq tapuyman jina parlariychis:
-
¿Imaraykun admiranapaq jina kanman “jallp’a pachaqa ch’usaqpin warkusqa kashan” nispa Bibliaq willasqan?
Unuqa wajsispan wichayman seqan, chaytaq phuyuchakuspa paramun, chhaynapin unuqa kuti-t’ijrashallan. Chaykuna chhayna kasqanta yachakusqanmantaqa iskay pachaj wata jinallaraqmi kashan. Bibliaqa unay watakuna ñaupaqtañan chaykuna chhayna kasqantaqa willasqa. Leeychis Job 36:27, 28 textota, jinaspa jamuq tapuykunaman jina parlariychis:
-
¿Chay textopi imanisqanmi ancha admiranapaq jina kanman?
-
¿Yanapasunkichu chay leesqanchis texto Bibliaq nisqanpi astawan confianaykipaq?
5. Bibliapin willarqan imaymanakuna pasananta
Leeychis Isaías 44:27-45:2 textota, jinaspa jamuq tapuyman jina parlariychis:
-
¿Imakunatan Biblia willasqaña Babiloniamanta iskay pachaj wata ñaupaqtaraq?
Yachakusqanman jinaqa 539 watapin manaraq Jesús kay pachaman jamushaqtin, Persia llaqtamanta Ciro sutiyoq rey Babiloniaman jaykurqan. Ñaupaqtaqa Babilonia llaqtata muyuriq mayutan juj ladoman Ciroq soldadonkuna t’aqarusqaku pisiyananpaq. Babilonia runakunaqa llaqtaq punkuntan wisq’ayta qonqarusqaku, chaymi Ciroq soldadonkunaqa mana piwan maqanakuspalla llaqtaman jaykusqaku. Chaykuna pasasqanmantaqa 2.500 watañan pasarun. Kunankamapas chay llaqtaqa purunmi kashan. Chaymanta imanirqanchus Biblia chayta qhaway.
Leeychis Isaías 13:19, 20 textota, jinaspa jamuq tapuykunaman jina parlariychis:
-
¿Junt’akurqanchu Bibliaq chay willasqan? ¿Imaynatan junt’akurqan?
Babilonia llaqta purun kashan, kayqa Irak llaqta ladopin kashan
6. Bibliaqa willarqanñan kay tiempopi imakunachus pasashan chaytapas
Kay tiemponchismanta rimaspan Bibliaqa nin: “Tukukuy p’unchaykuna”, nispa (2 Timoteo 3:1). Imakunachus pasanan karqan chayta yachasun.
Leeychis Mateo 24:6, 7 textota, jinaspa jamuq tapuyman jina parlariychis:
-
¿Kay tukukuy tiempokunapi imakuna pasanantan Bibliaqa willasqaña?
Leeychis 2 Timoteo 3:1-5 textota, jinaspa jamuq tapuykunaman jina parlariychis:
-
Chaypi nisqanman jinaqa, ¿imaynan kay tukukuy tiempokunapi runakuna kananku kasqa?
-
¿Chay leesqanchispi willasqanmanta mayqenkunatan kunan rikushanki?
WAKIN RUNAKUNAN NINKU: “Bibliapiqa cuentokunallan kashan, yanqa rimaykunan kashan”, nispa.
-
¿Ima yachasqaykin yanapasunki Bibliapi confianaykipaq, “Bibliaq nisqanqa cheqaqmi” ninaykipaq?
IMATAN YACHAMURQANCHIS
Bibliaq ima willasqanpas tupashanmi allin yachaq runakunaq willasqanwan, ñaupa kausaymanta yachaq runakunaq willasqanwan ima. Chaymantapas Bibliapi kaq profeciakunaqa junt’akunpunin, chaymi Bibliaqa confianapaq jina.
Yuyarisun
-
Imaniwaqmi, ¿Biblia cheqaqtachu imatapas nin icha cuentokunallachu chaypi kashan?
-
¿Imaynatan kay tiempopi imaymana yachakusqan sut’ita rikuchin Bibliaq willasqan cheqaq kasqanta?
-
¿Biblia willanchu jamuq tiempomanta icha manachu? ¿Imaraykutaq chhaynata piensanki?
ASTAWAN YACHANAYKIPAQ
¿Tupanchu Biblia allin estudioyoq runakunaq tarisqanwan?
“¿Yachaysapa runakunaq nisqan tupanchu Bibliaq nisqanwan?” (jw.org paginapi leey)
¿Imakunan rikuchin “tukukuy p’unchaykunapi” kasqanchista?
“Bibliaq willasqan soqta profeciakuna” (Qhawaq, 2011 watapi 1 mayo)
Kaypin yachanki imaynatachus Grecia llaqtamanta Bibliaq willasqanqa llapallan junt’akurqan chayta.
Kay qelqata leespan yachanki, imaynas juj runa Bibliaq willasqankuna junt’akusqanta yachaspa Diospi iñipurqan chayta.
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
