QONQAYMI desgraciapiqa tarikusunman, yaqa llapa runakunan desgraciapiqa tarikunku; tukuy imaymanayoq kaqkunapas desgraciapiqa tarikunkun.

¿IMA NINMI BIBLIA?

“Manan allin phawaqkunachu phawaspaqa llallinku, manan kallpasapakunachu awqa-tinkuypiqa atipan, manan yachayniyoqkunachu t’antayoqpas, manan allin yuyayniyoqkunachu qhapaqkunapas, manan allin yachaqkunachu sumaq chaskisqapas, aswanpas sapankan imaynapipas rikukunku” (Eclesiastés 9:11).

Chhaynaqa kaytan tapukunanchis: “¿Imatan ruwayman ima desgraciapipas tarikuspay?”, nispa. Kaykunapi piensay.

• Sichus ima desgraciapipas kaqniykunata chinkachiyman chayri, ¿imatan ruwayman?

• Sichus doctor niwanman “sinchi onqosqan kashanki” nispa chayri, ¿imatan ruwayman?

• Sichus pi munakusqay runapas wañupuyman chayri, ¿imatan ruwayman?

Kay revistataqa Jehová Diospa testigonkunan ruwanku, paykunaqa Bibliawanmi yanapachikunku kawsayninkupi ima desgraciatapas aguantanankupaq, chaykunawan mana pisipanankupaqpas (Romanos 15:4). Yachasun kinsa runakunamanta.