WAKIN willakuykunaq nisqanman hinaqa 15 watayoqmanta wichayman kaqkunan 700 millones hina mana leeyta ni escribiytapas atinkuchu. Imaymanan yachanapaqqa kashan, Bibliapipas kashanmi ‘yachananchispaq qelqasqakuna’, ichaqa mana leeyta atisqankuraykun chaykunamanta mana yachayta atinkuchu (Romanos 15:4). Chayraykun Jehová Diospa testigonkunaqa askha nacionkunapi Bibliamanta gratislla yachachispanku yachachillankutaq leeyta escribiytapas. ¿Yacharqankuchu runakuna leeyta escribiytapas?

México nacionpiqa español simitan astawanqa rimanku. Jehová Diospa testigonkunaqa 1946 watamantapachan 152.000 más runakunamanña leeytapas escribiytapas yachachishanku. Yachaqkunataqmi hukkunamanñataq yachachishanku. Chayta ruwasqankuraykun chay nacionmanta gobiernoqa askha cartakunata Jehová Diospa  testigonkunaman apachirqan. Huk carta apachisqanmi nirqan: “Dirección general de educación nisqan felicitasunkichis kurakkunata leeyta escribiyta yachachiypi yanapakusqaykichismanta”, nispa.

Wayna-sipaskuna kurakkuna iman leeyta escribiytaqa yachashanku. Ejemplopaq, Josefinaqa 101 watanpi kashaspan chay escuelaman matriculakurqan, iskay wata qhepamantaqmi tukurqan.

México nacionpiqa español simipi huk simikunapi iman yachachishanku. 2013 watapiqa pusaq simikunapin yacharqanku leeyta escribiytapas, paykunaqa rimasqanku simipin yacharqanku.

Leeyta escribiyta yachaspaqa imaymanatan yachasunman. Ichaqa aswan importanteqa Bibliamanta yachaymi; chaypi yachachikuykunaqa kacharichiwanchismi yanqa creenciakunamanta, pantasqa yachachikuykunamanta, dañota ruwawaqninchis ruwaykunamanta ima (Juan 8:32).