Juj kutinmi Jesús Israel territoriomanta lloqsispa Roma nacionpa provincian Siriapi tarikusharan. Chaypin Grecia provinciamanta juj warmi qayllaykuspa yanapananpaq valekuran. Chaymi Jesusqa juj ejemplota utilizaspa kutichiran, chaypin mana judío runakunata uña alqochakunawan compararan. Moisesman Diospa qosqan kamachikuypiqa alqokunatan qhellita jina qhawarikuran (Levítico 11:27). Ichaqa, ¿ofendeytachu Jesús munaran chay warmita mana judío runakunatapas?

Manan. Discipulonkunaman explicasqan jina, Jesusqa judiokuna yanapaytan ñaupaqtaqa munaran. Chaymi chay warmita niran: “Manan allinchu wawakunaq t’antanta uña alqochakunaman qoyqa”, nispa (Mateo 15:21-26; Marcos 7:26). Greciapipas Romapipas alqokunaqa familiakunapi munasqa animalmi karanku, wawakunawanpas pujllaqkun. Chaymi ‘uña alqochakuna’ nisqanqa, sumaq kaqpi piensachiran. Warmiqa allintan Jesuspa nisqanta entienderan, jinan kutichiran: “Chhaynan Señor, ichaqa uña alqochakunapas dueñonkuq mesanmanta usuq t’antataqa mijunkun”, nispa. Jesusqa sumaqtan qhawariran iñiyninta, chaymi ususinta qhaliyachipuran (Mateo 15:27, 28).

Pablota Italiaman apaq barcoqa wayraq contranpin purisharan. Viajashaspa juj muelleman chayaqtinkun apóstol Pablo aconsejaran qhepamanña viajanankupaq (Hechos 27:9-12). ¿Imarayku?

Ñaupa tiempopi marinerokunaqa allintan yacharanku paray tiempopi Mediterráneo lamar qochanta barcopi riy peligroso kasqanta. 15 noviembremanta 15 marzokaman mana allinchu karan viajanapaq. Ichaqa Pabloq rimasqan viajeqa setiembre otaq octubre killapin kanan karan. Compendio de técnica militar nisqa libronpin escritor romano Flavio Vegecio (400 watapi jina), Mediterráneo lamar qochanta viajaymanta niran: “Wakin killakunaqa allinmi viajanapaq wakintaq peligroso”, nispa. Flavioqa niranmi 27 mayomanta 14 setiembrekama viajanapaq seguro kasqanta. Ichaqa 15 setiembremanta 11 noviembrekama, jinallataq 11 marzomanta 26 mayokama iskayanapaq otaq peligroso kasqanta. Pabloqa experienciayoqmi karan viajaspa, chaymi chaykunata yacharan. Capitanpas barcoq dueñonpas yacharankun, ichaqa manan Pablota kasurankuchu. Chaymi viajepi barcoqa unuman chinkaykapuran (Hechos 27:13-44).