¿Yuyashankichu kay watapaq Qhawaq qelqanchiskunapi yachachikuykunata? Chayta yachanaykipaq kaypi tapuykunata kutichiy:

¿Imaynatan ajllasqa cristianokunata qhawarinanchis?

Paykunaq iñiyninkutaqa allinpaqmi qhawarinchis, manan paykunataqa jatunchananchischu. Chaymi mana pitapas alabananchischu ajllasqa cristianoña kanman chaypas (Jud. 16). Chaymantapas manan tapupayashananchischu suyakuyninkumantapas (w20.01, página 29).

¿Imaynapin yachanchis Jehová Dios qhawariwasqanchista?

Biblian willan Jehová Diosqa manaraq naceshaqtinchis rikuwasqanchista, sapa kuti mañakusqanchistan uyarinpas. Yachantaqmi imachus piensasqanchista sientesqanchistapas. Imachus ruwasqanchiswantaqmi kusichisunman (1 Crón. 28:9; Prov. 27:11). Chaymantapas Jehová Diosmi payman pusamuwaranchis (w20.02, página 12).

¿Jayk’aqmi rimananchis jayk’aqtaqmi mana rimananchischu?

Kusikunchismi Jehová Diosmanta jujkunaman willaspa, chaymantapas yanapananchismi mana allin ruwaykunapi puriqta. Umalliqkunapas Bibliaq nisqanman jina jujkunata yanapananku. Manan imatapas jark’asqa llaqtakunapi Diosta servisqankumantaqa tapupayananchischu ni pimanpas chaykunamanta willananchischu, chaymantapas manan mana yachanankutaqa jujkunamanqa willananchischu (w20.03, páginas 20, 21).

¿Imaraykun Joel capítulo 2, Apocalipsis capítulo 9 langostakunamanta willakuy mana kaqllachu?

Joel 2: 20-29 textokunapin willashan Jehová Dios langostakunata karuman apapusqanmanta, chay langostakunaq mijusqanta kaqta kutichipusqanmantawan. Chay qhepamantaqmi Jehová Dios santo espiritunta kachaykamuran. Chaymi junt’akuran Babilonia nación Israel llaqtata atipasqanwan. Apocalipsis 9:1-11 textokunapitaqmi willashan kay tiemponchispi ajllasqa cristianokunamanta, paykunan langostakuna jina mana manchakuspa Diospa juicionta willashanku llapa pachantimpi (w20.04, páginas 3- 6).

¿Pin kay tiemponchispi wichay ladomanta rey?

Rusia nacionmi yanapaqninkunapiwan. Paykunan Diosmanta willananchista jark’ashallanku Diosta llapa serviqkunatataqmi cheqnikunkupas. Chaymantapas sapa kutillanmi ch’aqwapi kashanku uray ladomanta reywan (w20.05, página 13).

¿Santo espirituq llapa ruruchisqanmantachu Gálatas 5:22, 23 textopi willashan?

Manan. Diospa santo espiritunqa imaymanapin yanapawanchis chaninta imatapas ruwananchispaq ima (Efes. 5:8, 9) (w20.06, página 17).

¿Ima mana allinkunapin tarikusunman internetpi noqanchismanta fotokunata, videokunata churaqtinchis?

Internetman imaymanakunata churaspaqa manan jujkuna allinta qhawariwananchispaq jinachu churananchis, aswanpas juch’uyaykukuqmi kananchis (w20.07, páginas 6, 7).

¿Imatan yachasunman allin challwaqkunamanta?

Allin challwaqkunaqa maypichus challwa kashan chaymanmi rinku, chaymantapas allintan yachananku imakunawan challwanankuta, imaynaña tiempo kaqtinpas mana manchakuspan challwashallanku. Chhaynallatataqmi noqanchispas Jehová Diosmanta yachachinanchispaq runakunata maskhananchis (w20.09, página 5).

¿Imaynatan estudiantekunata yanapasunman astawan Diosta munakunankupaq?

Kallpachananchismi sapa p’unchay Bibliata leenanpaq, leesqanpi piensananpaqpas, chaymantapas yachachinanchismi imayna mañakuyta (w20.11, página 4).

¿Pikunamantan apóstol Pablo rimashanman karan “Cristorayku lliu runa kausarichisqa kanqaku” nisqanwan? (1 Cor. 15:22.)

Apóstol Pabloqa manan llapanchis kausarimpunanchismantachu rimasharan, aswanpas ajllasqa cristianokunamantan, paykunan “Diospa ajllasqan kaspa Cristo Jesuswan jujllachasqa” kanku (1 Cor. 1:2; 15:18) (w20.12, páginas 5, 6).

¿Imatan janaq pachapaq ajllasqa cristianokuna ruwanqaku espíritu cuerpo jina “ñawi ch’illmiyllapi, último trompeta waqashaqtin”? (1 Cor. 15:51-53.)

Jesustan yanapanqaku fierro varawan llapa nacionkunata kamachinankupaq (Apo. 2:26, 27) (w20.12, páginas 12, 13).