WAYNA-SIPASKUNAPAQ
11. Allin llank’aqmi kanayki
¿IMAYNATAQ ALLIN LLANK’AQ RUNARI?
Allin lllank’aq runaqa manan manchakunchu imapi llank’aytapas. Aswanpas kusisqan imapipas llank’an, chhaynapin jujkunata yanapan pay kikinpas mantenekun.
¿IMARAYKUN ALLIN LLANK’AQ KANAYKI?
Llapa runapas kausananchispaqqa llank’ananchispunin. Llank’ayta munaq runapaqqa manan llank’anaqa faltanchu, qella runakunan ichaqa mana llank’anata tariyta atinkuchu (Eclesiastés 3:13).
Reynaldon nin: “Allinta llank’aspan kusisqa kani, chaymi astawanraq llank’ayta munani. Jinaspapas allin llank’aq kanki chayqa, jujkunapas respetasunkikun”, nispa.
BIBLIAPN NISHAN: “Llank’aspan runaqa kaqniyoq kan”, nispa (Proverbios 14:23).
KAYKUNATAN RUWAWAQ
Allin llank’aq kanaykipaqqa kaykunatan ruwanayki:
Kallpachakuy allinta imatapas ruwanaykipaq. Allintan junt’anayki wasipi ruwanaykikunata, colegioykipi tareaykikunata, llank’anaykitapas. Chaymantapas kallpachakunaykin ima ruway atisqaykitapas aswan allinta ruwanaykipaq, usqhaylla ruwanaykipaqpas, chhaynapin astawan kusikunki.
BIBLIAPIN NISHAN: “¿Allin llank’aq k’uchi runata rikunkichu? Payqa reykunaq kamachinmi kanqa, manataq pisipaq qhawasqa runakunaq kamachinchu kanqa”, nispa (Proverbios 22:29).
Jujkunaq allinninpaq kasqantan reparanayki. Imachus ruwanaykikunawan allinta junt’anki chayqa, jujkunatapas yanapashankin. Wasipi ruwanaykikunata junt’aspaqa tayta-mamaykitan samarichinki.
BIBLIAPIN NISHAN: “Qoypin aswan kusikuyqa kan, manan chaskiypichu”, nispa (Hechos 20:35).
Manan qellakachakuspachu llank’anayki. Imatapas ruwanaykipaq nirasunkiku chayqa, ama chayllatachu ruway, aswanpas aschatawan ruway. Chayta ruwanki chayqa, manan wawata jinachu nisunkiku: “Kayta jaqayta ruway”, nispaqa (Mateo 5:41).
BIBLIAPIN NISHAN: “Chhaynapi ama kamachisqa jinachu imachus valekusqayta ruwanaykipaq, aswanpas tukuy sonqowan chaytaqa ruwanaykipaq”, nispa (Filemón 14).
Allin yuyaywanmi llank’anaykita qhawarinayki. Allin llank’aqña kananchis chaypas, manan chayraykuchu tuta-p’unchay llank’ananchis. Aswanpas orqonanchismi tiemponchista samananchispaq.
BIBLIAPIN NISHAN: “Allinmi chhikanta samarikuy, sinchita llank’aymantaqa”, nispa (Eclesiastés 4:6, TNM).
Astawan yachanaykipaq
QHAWAQ
¿Imaynatan kusikuwaq sasa llank’anawan?
Bibliapi sumaq yanapaykunata tarinki kusisqa llank’ashanallaykipaq.
¡RIJCH’ARIY!
¿Imakunatan ruwawaq tiempoykita mana usuchinaykipaq?
¿Imaynatan tiempoykita allinta utilizawaq? Yachay tawa ruwaykunamanta.
