Kusikuywan qoykukuq sonqo kasun

APÓSTOL Pablon qoykukuq sonqo kaymanta rimashaspa qelqarqan: “Sapanka imaynatachus sonqonpi yuyaykusqanman hina qochun, ama llakisqachu, amataq kamachisqa hinapaschu. Diosqa kusisqa qoqtan munakun”, nispa (2 Cor. 9:7). Arí, Jehová Diosqa manan pitapas obliganchu imatapas Payman qonanpaq. Aswanmi payqa munan serviqninkuna tukuy sonqowan kusikuywan imatapas qonankuta. Ñawpaq tiempomantapachan Diospa llaqtanqa kusi sonqowan llank’ayninpi yanapakushanku. Chaymanta yachasunchis.

Jehová Dios Israel runakunata Egipto llaqtamanta kacharichisqan qhepamanmi llaqtanta kamachirqan yupaychana karpata hatarichinankupaq tukuy atisqankuta apamunankupaq. “Hinan llapan pichus sonqon kuyurichisqakuna” qorita, qolqeta, huk ofrendakunatapas apamurqanku. Chhayna apamusqankuwanmi rikuchirqanku qoykukuq runa kasqankuta, chayrayku amaña apamunankupaq willachimurqanku (Éxo. 35:5, 21; 36:6, 7).

Tiempoq pasasqanman hinan yupaychana  wasita hatarichirqanku; chaypipas Diospa llaqtanqa tukuy sonqowanmi Diosman imaymanata qoykurqanku. Rey Davidpas lliw kaqninkunatan qorqan yanapakunanpaq, Israel runakunatapas kallpacharqan qoykukuq sonqo kanankupaq. Arí, chay ruwasqankuqa may allinpunin karqan, qosqanku qoripas qolqepas kay tiempopaqqa 100 millón dólares hinaraqmi valenman. Bibliaq nisqan hina Israel runakunaqa anchatan kusikurqanku Jehová Diosman ofrendankuta haywasqankumanta (1 Cró. 29:3-9; 2 Cró. 5:1).

Jesuspa yachachisqankunapas chhayna qoykukuq sonqo kasqankutan rikuchirqanku. 33 watapi Pentecostés p’unchaypi 3.000 runakuna bautizakurqanku, paykunamanta askhan mana Jerusalén llaqtamantachu karqanku. Chay runakunaqa iñiyninkupi astawan wiñarinankupaqmi Jerusalén llaqtapi qhepakurqanku, ichaqa pisi qolqeyoqmi karqanku, chaymi cristianokunaqa kaqninkunata vendespa apostolkunaman vendesqanku qolqeta aparqanku. Chay ruwasqankuqa maytachá Jehová Diosta kusichirqan (Hech. 2:41-47).

Kay tiempopipas askha cristianokunan tiemponkuwan, kallpankuwan, kaqninkunawanpas yanapakushanku allin willakuykuna predicakunanpaq. Uranpin willakushan imaynatan yanapakusunman chayta.

[18, 19 paginakunapi recuadro]

¿IMAYNATAN DONACIONTA QOSUNMAN

DIOSPA LLANK’AYNIN ÑAWPARINANPAQ?

Askha iñiqmasinchiskunan sapa killa qolqenkuta t’aqanku “caja de contribuciones para la obra mundial” nisqaman churanankupaq.

Llapa iñiq t’aqakunan sapa killa apachinku chay donacionkunata llaqtankupi kaq sucursalman. Donacionta churay munaqkunaqa apachillankumantaqmi kay direccionman: Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, nisqaman. (Qatiqninpin willakushan askha clase donacionkunamanta, chaykunatapas sucursalmanmi apachikunman.) Cheque nisqatachus apachinqaku chayqa, chaypin churananku “Asociación de los Testigos de Jehová nisqapaqmi” nisqata. Chaymantapas donacionta ruwaspaqa qollankumantaqmi alajakunata otaq valorniyoq kaqninkunatapas. Ichaqa huk cartatan qelqananku, chaypitaq ninanku: “Kay donaciontaqa qoshani mana imata chaskinayraykun”, nispa.

DONACIONES CONDICIONALES

Asociación de los Testigos de Jehová nisqapaqmi Fideicomiso nisqapi churawaq qolqeta, chaytan utilizankuman pachantinpi predicación astawan yapakunanpaq, ichaqa chay qolqetaqa chaskikapullawaqmi sichus necesitanki chayqa. Astawan chaymanta yachanaykipaqqa kay telefonoman waqyawaq (01) 434-1474, otaq hawanpi kaq direccionmanpas qelqawaq.

DONACIONES PLANIFICADAS

Donaciones monetarias incondicionales, nisqamantapas kanmi hukniraymanta Diospa Gobiernonmanta predicayman kaqninchiswan yanapakunapaq, chaykunan kaykuna:

Seguros. Chay segurokunataqa Asociación de los Testigos de Jehová nisqamanmi qokunman. Chaykunaqa seguro de vida otaq plan de jubilación nisqakunan kanman.

Cuentas bancarias. Certificados de depósito, cuentas bancarias, cuentas personales de jubilación nisqatapas churakunmanmi fideicomiso nisqapi Asociación de los Testigos de Jehová nisqapaq; otaq wañupuqtin chaykunata chaskikapunman chay asociación, llaqtanchispi leyes bancarias nisqanman hina.

Acciones, bonos. Chaykunatan qokunman Asociación de los Testigos de Jehová nisqapaq. Chaymantapas qokunmanmi transferencia por fallecimiento nisqata.

Inmuebles. Qonkumanmi wasinkutapas, otaq chayllapiraq tiyashanku chayqa, ninkumanmi: “Wañukapuqtiyñan wasiyta hap’ikapunkichis”, nispa. Manaraq chayta ruwashaspaqa llaqtaykipi sucursaltan waqyawaq.

Donaciones con renta. Donación con renta nisqaqa Jehová Diospa testigonkunaq huknin corporacionninman fondos otaq títulos valores nisqakunata qoymi. Chayta qoqqa (otaq paypa rantinpi churasqa kaqqa) sapa watanmi anualidad vitalicia nisqata chaskin. Chhayna donación qoqkunaqa aswan pisitan impuesto a la renta nisqata paganku, qosqanku watapi.

Testamentos, fideicomisos. Notariowan qelqachispa huk testamentota ruwakunman chhaynapi Asociación de los Testigos de Jehová nisqa ima kaqniykitapas otaq qolqeykitapas herenciata hina chaskinanpaq, otaq chay asociacionta nombrawaq huk convenio de fideicomiso nisqamanta gananciata chaskinanpaq. Huk religionrayku fideicomiso nisqata ruwaqqa aswan pisitan paganku gobiernoman impuestokunata.

“Donaciones planificadas” nisqata ruwanapaqqa allintan ñawpaqmanta yuyaykuna. Chhayna donacionkunawan Jehová Diospa testigonkunaq llank’ayninpi yanapayta munaqkunapaqmi ruwakun Donaciones planificadas para favorecer el servicio del Reino en todo el mundo nisqa folletota, chayqa inglés, español rimaypin kashan. Chaypin allinta willakushan imaynatachus donacionkunata otaq ima kaqniykikunatapas qowaq chayta. Askhan chayta leespa, abogadonkunawanpas allinta rimanakuspa Jehová Diospa testigonkunaq llank’ayninta yanaparqanku, chay ruwasqankumantataq beneficios fiscales nisqata chaskirqanku.

Chaymanta astawan yachayta munanki chayqa, tapukuwaqmi kayman:

Asociación de los Testigos de Jehová,

Jr. El Cortijo 329,

Lima 33,

Teléfono: (01) 434-1474.