¿Yuyashankichu?

¿Leerqankichu kay killakunapi chayamuq Qhawaq revistakunata? Chhayna kaqtinqa, ¿kutichiwaqchu kay tapuykunata?

• ¿Imaynapin Caín esposayoq karqan?

Génesis 5:4 texton willan Adán Eva ‘qhari wawakunayoq warmi wawakunayoq’ kasqankumanta, chaypin yachanchis Cainpa warminqa paykunaq mirayninmanta kasqanta (1/10, pág. 25).

• ¿Pin karqan Israel runakunata kacharichiq ángel? (Éxo. 23:20, 21.)

Jehová Diospa phiwi Churinmi kanman karqan, chayraykuchá nirqan: “Sutiypin kamachikushan”, nispa. Paytan qhepaman sutichakurqan Jesús nispa (15/9, pág. 21).

• ¿Imakunatan Diosta serviqkuna mana ninanchischu?

“Nishu Sasamá.” “Manan munanichu.” “Manan tiempoy kanchu.” “Manan atiymanchu.” “Sonqoytan k’irirqonku.” Chaykunaqa manan razonchu Diospa kamachikusqanta mana hunt’ananchispaq (15/10, pág. 12-15).

• ¿Imakunan yanapawasunman huñunakuykunapi kallpachanakunanchispaq?

Ñawpaqmanta preparakuna. Ama faltakuspa rina. Temprano chayana. Necesitakusqan qelqakunata apana. Tukuy yuyaywan uyarina. Huñunakuypi rimarina. Tapuykunaman pisillapi kutichina. Huñunakuypi ruwananchiskunata hunt’ana. Hukkunata “allinmi” nina. Hukkunawan parlarina manaraq huñunakuy qallarishaqtin hinallataq tukusqan qhepatapas (15/10, pág. 22).

• ¿Imatan yachanchis Aaronta llaqtamasinkuna mana allin ruwayman urmachisqankumanta?

Moisespa pasanankaman Israel runakuna Aaronta nirqanku qori torillota ruwananpaq, hinan payqa nisqankuta kasurqan. Qhawarisqanchis hina, manan wayna-sipaskunallachu chay hina sasachakuypiqa urmankuman, allin kaqta ruwanankupaq kallpachakuq kurakkunapas urmankumanmi. Chaymi llapallanchis chaykunamanta cuidakunanchis (15/11, pág. 8).