Pay kikinmanta yachachisqan

“Jesusqa yacharqanmi pi kasqanta, maymanta hamusqanta, imapaq kay pachaman hamusqanta, imakunapi rikukunantapas.”(HERBERT LOCKYER QELQAQ)

JESUSPI iñinanchispaqqa allintaraqmi reqsinanchis. Yachananchismi pi kasqanta, maymanta hamusqanta, imapaq hamusqantapas. Jesús kikinmi chaykunamanta willashan Mateo, Marcos, Lucas, Juan nisqa Evangeliokunapi.

Kay pachapi manaraq naceshaspa kawsasqanHuk kutinmi Jesús nirqan: ‘Manaraq Abrahampas kashaqtinmi Ñoqaqa karqaniña’, nispa (Juan 8:58). Jesusqa Abrahampa wañupusqanmanta iskay waranqa wata qhepatañan nacerqan, chhaynaqa, ¿imaraykun Jesús chayta nirqan? ‘Hanaq pachamanta uraykamusqanraykun’ (Juan 6:38).

Diospa Churin Hanaq pachapi Diospa wawankunaqa askhan kanku, Jesusmi ichaqa paykunamanta hukniray. Pay kikinmi nirqan ‘Diospa sapan Churin’ kasqanta (Juan 3:18). Diosqa mana piqpa yanapayninwanmi payta kamarqan, chaymi Diospa sapan Churin. Jesuswanmi tukuy imapas kamasqa karqan (Colosenses 1:16).

‘Runaq Churin’ Jesusqa pay kikinmanta rimaspan chhaynata niq (Mateo 8:20). Chaywanmi sut’inchaq runa kasqanta. Arí, payqa manan runaman tukuq angelchu karqan, nitaq runaq cuerponman haykuq angelchu karqan. Jehová Diosmi santo espiritunwan María sutiyoq doncellaq wiksanman Churinpa kawsayninta astamurqan. Chhaynapin Jesusqa hanaq pachapi kawsayninta saqemuspa kay pachapi mana huchayoq runa nacerqan (Mateo 1:18; Lucas 1:35; Juan 8:46).

Prometesqa Mesías Huk samaritanan Jesusta nirqan: “Yachanin Cristo nisqa Mesiaspa hamunanta”, nispa. Paytaq kutichirqan: “Ñoqa rimapayaqniykin chay Mesiasqa kani”, nispa (Juan 4:25, 26). Mesías, Cristo nisqa simikunaqa “hawisqa” ninantan nin. Arí, Diosmi Jesustaqa hawisqa otaq akllasqa promesankunata hunt’ananpaq.

¿Imapaqmi hamurqan? Pay kikinmi nirqan: ‘Diospa qhapaqsuyunmanta [gobiernonmanta] allin willakuykunatan willanay, chaypaqmi Diosqa kachamuwarqan’, nispa (Lucas 4:43). Allin ruwaykunataña ruwarqan chaypas, Diospa gobiernonmanta willaymi paypaqqa aswan importante karqan. Qhepamanñan chay gobiernomanta astawan yachasun.

Kaypi yachasqanchis hina, Jesusqa runaña karqan chaypas manan ñoqanchis hinachu karqan. * Qatimuq yachachikuykunapin astawan yachasun imaynata hanaq pachapi yachasqan yanaparqan yachachikuynin aswan allin kananpaq chayta. Yachachikuyninqa teqsimuyuntinpin millonninpi runakunata yanapashan.

[Uranpi willakuy]