Diospa Siminmanta yachachikuykuna

¿Iman pasanqa religionkunawan?

Kaypin Bibliaykiwan tapukuyniykikunaman kutichiykunata tarinki. Munaqtiykiqa Jehová Diospa testigonkunan yanapasunkiman kay tapuykunata t’aqwinaykipaq.

1. ¿Llapankuchu cheqaq religionkuna kanku?

Llapa religionpipas kanpunin Diosta kusichiy munaq runakunaqa. Diosqa sumaqtan paykunata qhawarin. Religionpa sutinpin ichaqa imaymana millaykunata ruwarqanku. Ñawpa tiempopiqa, religionta umalliqkunan ñak’arichiqku paykunaq nisqanta mana ruwaqkunata (2 Corintios 4:3, 4; 11:13-15). Kunan tiempopipas uyarinchismi religionpi umallikuna guerrakunata terrorismo nisqata yanapasqankuta otaq wawakunata abusasqankuta. (Leey Mateo 24:3-5, 11, 12.)

Bibliaq nisqan hina, cheqaq religionqa hukllan wakinkunaqa pantasqan kanku. Chay religionkunaqa Jehová Diosmantan mana kaqta yachachinku. Jehová Diosmi ichaqa munan llapa runakuna paymanta cheqaq kaqta yachanankuta. (Leey 1 Timoteo 2:3-5.)

2. ¿Imapin tukunqa pantasqa religionkuna?

Diosqa cheqnikunmi pantasqa religionkunataqa, Dios sonqo runaman rikch’akuspan pantasqata yachachinku. Wakinqa kusin kanku Saqraq munaychakusqan pachapi chaqrukuspa (Santiago 4:4; 1 Juan 5:19). Bibliapiqa pantasqa religionkunatan sutichakun “Hatun Babilonia” nispa, chaytan rikch’anachikun rabona warmiwan. Chay suyupin pantasqa religionqa rikhurirqan millp’uq para qhepata. Pantasqa religionkunaqa runakunatan q’otun sasachakuykunatataq apamun chaymi Diosqa hukpaqkama chinkachinqa. (Leey Apocalipsis 17:1, 2, 5, 17; 18:8, 23, 24.)

  3. ¿Hayk’aqmi pachantinpi kusikuy kanqa?

Pantasqa religionkunata Jahová Dios chinkachiqtinmi thak kawsay kanqa. Manañan runakunata q’otunqakuñachu nitaq ch’aqwaykunata hatarichinqakuñachu. Lliw runakunan Jehová Diosllata yupaychanqaku. ¿Allinchu chay kanman? (Leey Isaías 11:9; Apocalipsis 18:20, 21; 21:3, 4.)

4. ¿Imatan ruwananku allin sonqoyoq runakuna?

Jehová Diosqa manan qonqanchu pantasqa religionkunapi ch’eqechisqa pay sonqo runakunata. Payqa Bibliapi cheqaq yachachikuywanmi chay runakunata huñushan. (Leey Miqueas 4:2, 5.)

Jehová Diosqa munakuywanmi chaskin llaqtanman haykumuqkunata. Manaña familianchiskuna amigonchiskunapas munankumanchu Jehová Dios servinanchista chaypas, askha bendicionkunatan chaskisun, chaykunan Dioswan amigontin kay, mosoq “familiaq” munakuynin, wiñaypaq kay pachapi kawsay ima. (Leey Marcos 10:29, 30; 2 Corintios 6:17, 18.)

Astawan yachayta munanki chayqa ¿Imatapunin Biblia yachachin? nisqa librota qhaway 15, 16 capitulokunata, chaytaqa Jehová Diospa testigonkunan ruwan.

[16 paginapi kaq fotota horqorqan]

The Complete Encyclopedia of Illustration/J. G. Heck