Biblian niwanchis Diosqa manan munanchu “qhelli juchaman” urmananchista (1 Tesalonicenses 4:3). Bibliaq nisqanman jinaqa “qhelli juchan” jujwan pantay, qharipura otaq warmipura puñuy, mana casado kashaspa warmi-qhari puñuypas.

•  ¿Imaraykun Dios munan warmi-qhari casarasqa kanankuta?

•  Allintachus icha manachus apanakusun chayta yachanapaq, ¿allinchu kanman mana casarakuspalla tiyay?

•  ¿Imatan casarasqakuna ruwananku kusisqa kausanankupaq?

•   Casado kausaytaqa Diosmi qallarichirqan. Chaytataq ruwarqan ñaupaq warmi-qharita casarachispa (Génesis 2:22-24). Diosqa manan munarqanchu warmi-qhari manaraq casarakuspa tiyanankuta.

•   Diosqa yachanmi imas allin noqanchispaq. Diosmi casarakuytaqa paqarichirqan warmi-qhari casarakuspa pasaqpaq tiyanankupaq. Diosmi murarqan casarasqa ukhupi warmipas, qharipas, wawakunapas kusisqa kausanankuta. Kaypi piensay: Juj muebleta otaq roperota allinta armanapaqqa manualpa nisqanman jinan armananchis. Chhaynallataqmi familianchiswan kusisqa kausanapaqpas Diospa nisqanman jina kausananchis. Sichus kasukusun chayqa allinninchispaqpuni kanqa (Isaías 48:17, 18).

•   Manaraq casarasqa kashaspa warmi-qhari puñuyqa jatun llakikunatan apamun. Chaykunan kashan manaraq tiemponpi wawayoq kay, millay onqoykunawan contagiachikuy, llakisqa ima tarikuy.

•   Diosmi runakunaman juj regalota qorqan: Warmi-qhari puñuspa wawayoq kayta atinankupaq. Chayqa ancha valorniyoq regalon. Diospaqqa kausayqa sagradon. Chayraykun payqa munan chay regalota respetananchista casarakusqanchis qosallanchiswan otaq esposallanchiswan kaspa. Chhaynapin casado kausayta respetashanchis (Hebreos 13:4).

 Mana. Casado kausaypi kusisqa kausanapaqqa manan juj tiempotachu mana casarakuspalla tiyananku allintachus icha manachus kausanqaku chayta yachanankupaq chaymantataq t’aqanakunankupaq. Aswanmi casarakuspa comprometekunku juj jinalla kausanankupaq kallpachakunkutaq ima sasachakuytapas allichanankupaq. a Casarakuspa tiyaspalla chay compromiso ruwasqankuta junt’anankupaq kallpachakunku (Mateo 19:6).

 Casarasqakunaqa manan allintapunichu imatapas ruwanqaku. Ichaqa atinkumanmi kusisqa kausayta Bibliaq kamachisqanta kasukuqtinkuqa. Wakinmanta yachasun:

•   Ama munaynillaykichistachu maskhaychis aswanpas qosaykiq otaq esposaykiq munayninta ñaupaqtaqa maskhaychis (1 Corintios 7:3-5; Filipenses 2:3, 4).

•   Kallpachakuychis sapa p’unchay astawan munanakunaykichispaq respetanakunaykichispaq ima (Efesios 5:25, 33).

•   Manaraq imatapas rimashaspa ñaupaqtaraq allinta piensaykuy (Proverbios 12:18).

•   Paciencianakuychis usqhayllatataq perdonanakuychispas (Colosenses 3:13, 14).