LLiu partepin leenku Jehová Diospa testigonkunaq orqomusqayku qelqakunataqa. Wakintaq imaynan personayki ruwashanki, chhaynata computadorapi celularpi o tabletpi ima leenku. Ichaqa askha qelqakunata orqomuyqa manan facilchu. 2013 watapin orqomurayku 700 simi rimaykunapi qelqakunata, chaykunataq rakisqa karan 239 nacionkunapi llaqtakunapi ima.

1920 wata ñaupaqtaqa jujkunaq imprentankupin ima qelqaykutapas imprimiq kayku. Ichaqa chay watallapitaqmi Estados Unidospi kaq Brooklyn llaqtapi juj juch’uy wasita alquilakurayku chaypi qelqaykuta impriminaykupaq. Chhaynallan ñaupaqqa karayku, kunanmi ichaqa chunka pisqayoq jawapi imprentayku kashan, wakinmi kashan África ladopi, wakintaq América nisqa ladopi, Asia ladopi, Europa ladopi, Oceanía nisqa ladopi ima.

Biblian noqaykupaqqa ima libromantapas aswan jatunqa, primera vezta imprimisqayku Biblian kashan “Versión del Rey Jacobo” nisqa Biblia, chay Bibliatan imprimirayku 1942 watapi. Ichaqa 1961 watapin orqomurayku Traducción del Nuevo Mundo de las Santas Escrituras nisqa Bibliata inglés simipi. 2013 watapaqtaq chay Bibliata 121 simi rimaypi 184 millones más copiakunataña orqomusharayku.

Manan chayllapaschu, Bibliakunataqa orqomuyku allin ruwasqatan, papelninkunapas manan q’elluyapunchu manataqmi faciltachu qhasukunpas. Unayta aguantananpaq jinan orqomusqayku Bibliakunaqa ruwasqa kashan.

Bibliamanta explicaq revistakunata librokunata iman noqaykuqa orqomushayku. 2013 watapi imaynachus chaykuna karan chayta yachasun.

• Qhawaq. Chay revistaqa sapa killanmi lloqsimun 210 simi rimaykunapi. Chay revistatan mastaqa kay mundopiqa rakikushanpas. Chaymantapas chay revistataqa sapa killanmi orqokamun 45 millonesta jina.

• ¡Rijch’ariy! Chay revistaqa Qhawaq revista jinan lloqsimun, chay revistapas lliu kay mundopin rakikushan 99 simi rimaykunapi. Chaymantapas 44 millonesta jinan chay revistatapas orqokamushan.

• ¿Imatapunin Biblia yachachin? Chay librotaqa 2005 watamantapachan orqokamushan 214 millones mastaña. 240 simi rimaykunapitaqmi lloqsimushanpas. Chay librowanmi yanapakushan Bibliamanta yachay munaq runakunata.

• Diosta uyariy. Chayqa revista jinan, 32 paginayoqtaqmi kashanpas. Chayqa leeyta mana atiqkunapaq jinan ruwasqa kashan, askha dibujokunayoqtaqmi kashanpas, chhaynapi chay dibujokunawan facilta runakuna Bibliapi wakin yachachikuykunata entiendenankupaq. 2013 watakamaqa ñan 42 millones mastaña orqokamusharan 400 simi rimaykunapi.

Manan chaykunallatachu noqaykuqa orqomuyku, orqmushaykun chhayna juj revistakunatapas librokunatapas imaymana clase tratadochakunatapas, chhaynapi runakunaqa chaykunaq yanapayninwan Bibliamanta yachanankupaq, sumaqta kausanankupaqwan. 2012 watapin orqomurayku 1.300 millones más revistakunata 80 millones librokunata Bibliakunata ima.

Maypichus chay qelqakunata orqokamun chaytan sutichayku “Betel” nispa, chayqa Diospa wasin ninantan nin. Chaypin warmi-qharikuna mana pagasqalla tukuy kallpankuwan llank’ashanku, chaymi chay Betelta visitamuqkunaqa admirakunku maquinakunata, chhayna llank’aqkunata rikuspanku. Chaypi llank’aqkunaqa mana imata yachaspallan yaqa llapankupas chaymanqa chayamunku. Chaypiñan imaymana cursokunata chaskispa allin llank’aqman tukupunku. Wakinqa manan nishu kuraqpasraqchu kanku, chayraqmi 20 watankutapas pasashanku, chaywanpas jatun maquinakunawanmi paykunaqa chaypi llank’ashanku.

Llapa chaykunataqa hermanokunaq donacionkuna churasqankuwanmi ruwakun. 1879 watapi agosto killapi lloqsimuq Qhawaq (inglespi Zion’s Watch Tower) revistapin niran: “Kaykunaqa manan jinallamantaqa ruwakushanmanchu, Diospunin yanapawashanchis. Kay llaqtanqa manan jayk’aqpas limosnata mañakuspaqa purinqachu”, nispa. Chhaynapunitaqmi kashanpas.

¿Imaraykun tantota qolqetapas tiempotapas gastakun kaykunata ruwakunanpaq? Noqaykuqa munayku kay orqomusqayku qelqakuna Diosta reqsinaykipaq personaykita yanapanasuykitan, chayraykun chaykunata ruwayku.