Sapa killan Jehová Diospa gobiernonmanta willaqkunatan (Mateo 24:14). Chaytaqa ruwanku bautizasqa testigokuna, wakin manaraq bautizasqakuna iman, ichaqa manaraq bautizasqakunaqa aprobasqan kananku Diosmanta willaspa purinankupaqqa.

 Manan. Ima donaciontaña pipas churanman chaypas manan chayraykuchu Testigo kanqa, manataqmi chayraykuchu imapaqpas nombrasqa kanqa (Hechos 8:18-20). Piña ima donaciontaña churan chaypas mana piqpa yachasqallanmi chaytaqa ruwan. Llapaykutaqmi tiempoykuwan, kallpaykuwan, imapas kaqniykuwan ima yanapakuyku Diospa munaynin ruwakunanpaqqa. Ichaqa chaykunataqa ruwayku atisqaykuman jina, sonqoykuman jinan (2 Corintios 9:7).

 May congregacionmanchus rinku chaypin sapanka Testigo entregan juj informeta, chaypin willakun jayk’a horatachus Diosmanta willaran chayta.

 Llapankuq qosqan informetan sumakun, chaytataq sucursalman apachikun. Sucursalpitaq llapa congregacionpa informe apachisqanta sumanku, chaytataq Estados Unidospi oficinaman apachinku.

 Sapa agosto killa tukuytan a yupakun jayk’achus karan testigokuna sapanka partepi chayta. Chaytataq sumakun jayk’a Testigochus kayku lliu mundopi chayta yachakunanpaq. “Anuario de los testigos de Jehová” nisqa libropin lloqsimun jayk’achus sapanka nacionpi kashayku chay willakuykuna, imakunachus wakin partekunapi pasaran chay willakuykunapiwan. Chay willakuykunaqa lliutan kallpachawanku, imaynan ñaupa cristianokunatapas chhayna willakuykuna kallpacharan chhaynata (Hechos 2:41; 4:4; 15:3).

 Manaña Testigota jinachu paykunata yupayku chaypas maytan kusikuyku noqaykuwan kuska juñukusqankumanta. Chaymantapas paykunaqa mastaqa jamunku Cristoq wañusqanta yuyarinapaq juñunakusqaykumanmi. Paykuna jayk’achus kanku chayta yachanaykupaqqa chay p’unchaypi llapa juñukuqkunatan sumayku, chaymantataq restayku Testigokunata, chhaynapin yachayku jayk’achus kanku chayta. 2023 watapin Cristoq wañusqanta yuyarinapaq juñunakuyman jamuranku 20.461.767 runakuna.

 Wakinqa manaña juñunakuykunaman jamunkuchu chaypas noqaykuwanmi Bibliata estudiashanku. 2023 watapin estudiaranku 7.281.212 runakuna. Wakinqa grupopi juñunakuspan estudiaranku.

 Censota ruwaqkunaqa “ima religionmi gustasunki” nispan mastaqa tapukunku. Chaypaq rimasun Estados Unidospi censo ruwaq oficinamanta, paykunaq nisqankuman jinaqa, censotaqa ruwanku ima religionniyoqsi runakuna kanku chayta yachanankupaqsi. Chaymantapas chay censasqa runakunaqa imachus piensasqallankutas willakunku ichaqa manas chayman jinachu imatapas ruwanku. Noqaykun ichaqa Diosmanta willaspa informenkuta entregaqkunallata Testigota jina yupayku, manan paykunallamanta chhaynata niqkunataqa yupaykuchu.