Arí. Iskay forman kan chayta ruwanapaq.

•   Pay kikin willakuspa. Yaqapaschá chaypaqqa juj cartata qelqanman manaña testigo kay munasqanta willaspa; munaspaqa pay kikinpas willakunmanmi chayta.

•   Imayna kausasqanwan. Wakinqa yaqapaschá imayna kausasqankuwan rikuchinkuman manaña Jehová Diospa testigon kay munasqankuta (1 Pedro 5:9). Yaqapaschá juj religionman cambiakapunkuman, chayllapiña kaytataq munankuman (1 Juan 2:19).

 Manan, chhayna kaqkunaqa manan Diospi mana creesqankuraykuchu chhayna kashanku. Yaqapaschá paykunawanqa imapas pasaran chhaynapi iñiyninkupi pisipapunankupaq. Ichaqa manan paykunamanqa yuyaypi lloqsipuqkunaman jinatachu tratota qoyku, aswanmi noqaykuqa tukuy atisqaykuta ruwayku paykunata yanapanaykupaq (1 Tesalonicenses 5:14; Judas 22). Mayqenninkupas yanapanata munashan chayqa iñiq t’aqakunapi umalliqkunan astawanqa paykunata yanapanku (Gálatas 6:1; 1 Pedro 5:1-3).

 Ichaqa manan umallikunaqa pitapas obliganankuchu Testigolla kananpaqqa. Sapanka runan ajllakunan ima religionpichus kanqa chaytaqa (Josué 24:15). Pipas Jehová Diosta serviyta munan chayqa pay kikillanmantan tukuy sonqowan chayta ruwanan (Salmo 110:3; Mateo 22:37).