Cunan tecnología punllacunapica jefecuna, trabajo compañerocuna, clientecunapash 24 horascunata o tucui punllacunata trabajachunmi munan. Shina caimandami estudiajcunaca vida personalmanda o trabajomanda tiempota separanaca difícil ricurin nin. Chaipaca trabajopa, familiapa, matrimoniopapash tiempotami llujchina can.

•  Caitami yachana cangui

•  ¿Imashinata trabajopapash familiapapash tiempota llujchina can?

•  Shuj matrimoniocunaca caitami nin

•  Ishcandicuna caicunamanda parlaringapaj

•   Tecnología tiashcamandami trabajoca matrimoniota separai ushan. Llamadacuna, mensajecuna o correo electronicocuna nina rupajushcata chai rato apagangapaj rina cashca cuendami ricuri ushan.

   “Trabajomanda llujshishpa huasipi cashpapash trabajomanda llamadacuna, mensajecuna, correo electronicocuna chayamushpa catijpimi familiahuan canaca dificilmi ricurin. Chaimi canba cusata o huarmitapash ladoman saquingui” (Jeanette).

•   Trabajotapash familiatapash ama descuidangapaca imatapash ruranami cangui. Na imatapash rurajpica quiquinba trabajomi matrimonioman cuna tiempotaca quichunga.

   “Ñuca cusagutami llaquichini. Huaquinbica cashnami pensani: Paica ñucata intindihuangami, perdonahuangami. Ñami paihuan yalingapaj tiempota llujchisha nishpa” (Holly).

•   Matrimoniomi pundapi cana can. Bibliapica cashnami nin: “Taita Dios tandachishcataca nipipash na separanachu can” (Mateo 19:6). Quiquinba matrimoniotaca pipash separachunga na saquinguimanllu ¿nachu? Shinaca ¿imashpata trabajora quiquinba matrimoniota separachun saquigringui?

   “Huaquin clientecunaca, paicunamanga sueldota pagajunmi. Chaimandami paicunataca imahorapash cayachinallami cani yan. Shinapash ñucapaca ñuca matrimoniomi importante can. Chaimandami ñuca tiempo librepi clientecuna cayachijpica, cai ratoca na parlai ushanichu, shuj punlla parlangapaj cayachipasha nini” (Mark).

   Cashna tapuripai: “¿Ñuca matrimonio ñuca trabajotapash ashtahuan yali importante cashcatachu ricuchijuni?”.

•   Na ninatami yachajuna cangui. Bibliapica cashnami nin: “Ali yachaica na jariyashcacunahuanmi” can nishpa (Proverbios 11:2). Na jariyashca canami ama yapata trabajangapaj, shujcunaman mingangapaj o na ushanichu ningapaj ayudanga.

   “Plomeromi cani. Huaquinbica gentecunaca shuj trabajota chai rato rurachunmi desesperado cayan. Chai rato ñuca na ushashpaca, paicunata ayudachunga shuj cumbacunapa teléfono numerotami cuni” (Christopher).

   Cashna tapuripai: “Shuj trabajo ricurijpica, ñuca huarmihuan o cusahuan tiempota yalinapi jarcagrijujpica ¿na nita ushanichu? Ñuca huarmipash o cusapash ¿shinallatachu pensan?”.

•   Ishcandi yalingapami tiempota llujchina cangui. Bibliaca cashnami nin: “Tucuipami tiempo tian” (Eclesiastés 3:1). Matrimoniopica ishcandi yalinami ashtahuan importante can. Chaimandami ashtaca trabajota charishpaca, matrimoniota ama descuidangapaj tiempotaca aligutami ricuna can.

   “Ashtaca trabajohuan cashpaca ishcandi parlarishpami ashagutallapash ishcandi yalingapaj tiempota llujchinchi. Por ejemplo micungapaj o playapi puringapami tiempota llujchinchi. Chai tiempotaca pipash na jarcanachu can” (Deborah).

   Cashna tapuripai: “¿Ñuca huarmihuan o cusahuan imagutapash rurangapaj tiempota llujchinichu? ¿Ñuca huarmipash o cusapash shinallatachu pensan?”.

•   Shuj ratotallapash trabajotaca ladomanmi saquina cangui. Bibliapica ninmi: ‘Ima ashtahuan importante cashcata japichi’ nishpa (Filipenses 1:10). Trabajo llamadacunamanda o mensajecunamanda ama yapa preocupado cangapaca ¿quiquinba telefonota huaquinbillapash apagai ushanguichu?

   “Shuj horasgutallapash ama trabajopi preocuparingapami arreglota rurashcani. Chaita pactachingapami ninanda esforzarijuni. Chai horas chayajpica ñuca telefonotami apagani” (Jeremy).

   Cashna tapuripai: “¿Ñuca jefe o clientecuna cayachinga yashpachu pendiente cani? ¿Ñuca huarmipash o cusapash shinallatachu pensan?”.

•    Huaquinbica llamadacunata o mensajecunata contestanami minishtirin. Bibliapica ninmi: “Na quiquingunapa nishcahuan yalingapaj munajcuna cashcataca tucuicunami ricuna can” (Filipenses 4:5). Ciertomi can, huaquinbica quiquinba trabajoca matrimonio tiempota ashata quichungami. pi jarcai ushanmi. Por ejemplo, huaquin trabajocunaca ña na trabajopipacha cashpapash, trabajopa shuj cosascunapi pendiente cachunmi minishtin. Chaimandami cusahuan o huarmihuan culiranapa randica intindina can.

   “Ñuca cusaca shuj uchilla negociotami charin. Chaimi chai negociopa huaquin cosascunataca na yashca horaspi atindina tucun. Chaimandami huaquinbica culirani. Shinapash, ñuca cusaguhuan ashtaca tiempota yalimandami na yapata preocuparini” (Beverly).

   Cashna tapuripai: “¿Ñuca cusata o huarmita intindishpachu ashtahuan tiempota ñucahuan yalichun nishpa na mañani? ¿Ñuca huarmipash o cusapash shinallatachu pensan?”.

 Primero cada uno cai tapuicunapi pensarishpa, jipaca ishcandi parlaripaichi.

•   Quiquinba cusa o huarmica ñana trabajopi cashpapash quiquin trabajashpa catijta ricushpaca ¿ima horapash culirashcachu? Culirashpaca ¿razonhunallu culirarca?

•   Trabajopilla ama yapa tiempota yalingapaca ¿imapita mejorai ushapangui?

•   ¿Imahorapash ñuca cusa o huarmica trabajotaca na trabajopi saquinllu nishpachu yashcangui? Shina cashpaca ¿imamandata shina pasarca?

•   ¿Quiquinba cusa o huarmi tucuipa tiempota charichun imapash cambiota rurachun munanguimanllu? ¿Ima cambiocunatata rurachunda munapanguiman?