Huaquin jovenguna imata nishcata liipai. Canbash ¿shinallatachu sintiringui?

 “Siempremi cashna pensarini: ‘¿Caica? Cutin ¿chaica? ¿Accidenteta charishpaca?¿Avión urmashpaca?’ nishpa. Shujcuna na preocuparishca cosascunapimi preocuparini” (Charles).

 “Huaquinbica shuj ucucha shuj ruedapi chaillapita chaillapita calpajunshnami sintirini. Trabajaitaca ninandami trabajani. Pero trabajashcamandaca nima na ricurinllu. Siempremi preocupada sintirini” (Anna).

 “Huaquinbica ñucataca cashnami nin: ‘¡Escuelapira cashcata ricushpaca ninandami cushijuni!’ nishpa. Escuelapi cana yapa estresado cajtaca na cuenta urmanllu yashpami pensani” (Daniel).

 “Shuj olla de presionshnami sintirini. Siempre imata ruranapi o ima pasanapi yapa preocupada cani” (Laura).

 Causaica ¿imashinata can?: Bibliapica ñucanchi causanajushca punllacunaca shinllipachami canga nircami (2 Timoteo 3:1). Chaimandami jovengunapash huaquin rucu gentecunashna ashtaca preocupaciongunata charin.

 Na. Bibliapica ñucanchi juyashca gentecunata ayudanapi preocuparinaca alimi can ninmi (1 Corintios 7:32-34; 2 Corintios 11:28).

 Ashtahuanbash, imapipash preocupado cashpaca, chaita rurangapami esforzaringui. Por ejemplo, caya semana escuelapi shuj examenda charishcanguiman. Ali notata charinapi preocuparishpaca, último hora estudiajunapa randica.

 Ashtahuanbash, huaquinbica ashata preocuparina o manllanaca ama llaquipi urmachun o caruyachunmi ayudan. Serena shuti jovenga ninmi: “Shuj nali ñanda rijushcata cuenta japishpaca, ninan preocupadomi sintiringui. Chaimandami chai nali ñanda ama ringapaj huaquin cambiocunata rurashpaca concienciapica tranquilo sintiringui” nishpa (Santiago 5:14​huan comparangui).

 Causaica ¿imashinata can?: Preocuparinaca imatapash aliguta pensarishpa rurachunmi ayudai ushan.

 Shinapash ¿yapata preocuparimanda panda, nali yuyaicunata shamujpi, chai pensamientocunamanda na caruyai ushashpaca?

 Ejemplo: 19 huatacunata charij Richardca ninmi: “Shuj problema ricurijpica, chai problemamanda shuj llaquicunapash miranapimi cutin cutin pensarini. Chaipilla pensarijuimandami nervios unguipash japi tucuni” nishpa.

 Bibliapica ‘cushilla shungu [o, yuyaica] cuerpomambash causaita cun’ ninmi (Proverbios 14:30). Ashtahuanbash, yapata preocuparinaca uma nanaita, uma muyuita, vijsa nanaita, ataquecunatapash cui ushan.

 Yapata preocuparijuimanda nali sintirijushpaca ¿imatata rurai ushangui?

•    ¿Preocuparina cashcatallachu preocuparijuni? nishpa tapuripai. “Canba responsabilidadcunata pactachinapi preocuparinaca alimi can. Pero chaipilla yapata preocuparinaca nalichu can. Ñuca yuyaipica, ansiedad o yapata preocuparinaca, sillapi tiarishpa caiman chaiman cuyurijunshna cashpapash na maimanbash apanllu” (Katherine).

   Bibliapica ninmi: “Cangunapuramandaca ¿pita pinarishcamandalla shuj minuto masta causaita ushanguichi?” (Mateo 6:27).

   ¿Imatata nisha nin? Shuj problemata solucionai ushana cashpaca preocuparinaca alimi can. Na cashpaca, chai problemaca ashtahuan mirashpami candaca ashtahuan llaquichinga.

•    Cada punllami llaquicunata o problemacunata aguantana cangui. “Cashna pensari: Cunan imapipash preocuparinaca caya punlla o shuj quilla jipa o shuj huata jipa o 5 huatacuna jipaca importantecha canga” nishpa (Anthony).

   Bibliapica ninmi: “Cayandi punllamandaca nunca na pinarijunachu capanguichi. Porque cayandi punllapashmi imapash pinarinacunaca tianga. Quiquingunaca cunan punlla tiashca problemacunapillami pensarina capanguichi” (Mateo 6:34).

   ¿Imatata nisha nin? Shamuj punllacunapi problemacuna tianga yashpa solucionanapica preocuparinaca yangami can. Huaquinbica chai yashca problemacunaca pasaitallapash na pasanllu.

•    Huaquin cosascunata na cambiai ushanatami intindina cangui. “Ima pasanapi pensarishpa, ña prepararishca canaca alimi can. Shinapash, huaquin cosascunata na cambiai ushanatacami ali intindina canchi” (Robert).

   Bibliapica ninmi: ‘Runapash, ima punlla ima tucunataca na yachanllu’ nishpa (Eclesiastés 9:12).

   ¿Imatata nisha nin? Huaquin cosascunataca na cambiai ushanguichu. Shinapash, canba yuyaitaca cambiai ushanguimi.

•    Ima pasajushcapi aliguta pensari. “Imapacha pasajushcata ali intindishpami uchilla cosascunapica na yapa preocuparini. Imapi ashtahuan preocuparina cashcata intindishpami ñaupaman catini” (Alexis).

   Bibliapica ninmi: ‘Ima ashtahuan importante cashcatami cuenta japina’ can (Filipenses 1:10).

   ¿Imatata nisha nin? Imapi preocuparina ashtahuan importante cashcata cuenta japij personacunaca tranquilomi sintirin.

•    Pihuanbash parlai. “Más o menos 11 huatacunata charishpaca ninan preocupadami escuelamanda chayan carcani. Caya punlla imapash pasanga yashpami ninanda manllan carcani. Ñuca imashina sintirijta parlajpica, ñuca taitacunaca aligutami uyahuan carca. Paicuna ñucahuan cajpica ninandami cushijurcani. Paicunapi confianzata charishpami tucuita paicunaman parlanlla carcani. Chaimi caya punlla ima problema ricurijpipash aguantai ushan carcani” (Marilyn).

   Bibliapica ninmi: “Runapaj shungupi llaquilla canami, ñavita urai cumuchin. Ashtahuangarin alita rimashca shimicunaca, cushichinllami” (Proverbios 12:25).

   ¿Imatata nisha nin? Canba taitamamacuna o shuj amigomi ama yapata preocuparichun consejota cui ushan.

•    Oracionda rurana. “Oracionda voz altapi rurashpami tranquila sintirini. Imamanda preocupada cashcata pacanapa randi Jehová Diosman tucuita parlanami, pai ñucapa preocupaciongunatapash ashtahuan yali jatun cashcata intindichun ayudan” (Laura).

   Bibliapica ninmi: “Ima preocupaciongunata charishpapash [Diosmanmi] tucuita saquina capanguichi. Porque paica, quiquingunamandaca ninandami preocuparin” (1 Pedro 5:7).

   ¿Imatata nisha nin? Oracionga na shuj ejerciciolla canllu. Oracionda rurashpaca Taita Dioshuanmi parlanchi. Paica ‘na manllanachu canguichi, ñucami cangunaman ushaita cuj Taita Dios cani. Imatapash [alita] ruraj, ñuca ali lado maquihuanmi, cangunapa tucui causaipi ayudajushalla, imatapash carajushalla’ ninmi (Isaías 41:10).