Huaquinbica pitapash rijsishpami ninanda alicachinchi. Chaimi matrimonioman yachanata o na yachanata yachangapaca enamoradocuna tucunguichi. Shina purinajushpaca ¿imacunatata cada uno ricui ushanchi?

Cai temapica caicunatami yachajupashun:

•  Siempremi ciertota parlana can

•  Diferente yuyaicunata charishpa

•  Preocupaciongunaca shamungami

 Tiempota igual yalishpami ishcandillata ali rijsiringuichi. Chaishuj persona imasha comprotarijta ricushpami imashinapacha cashcataca rijsi ushanchi.

 Huaquin cosascunataca na pacashpa, cabaltami parlana capangui. Na paita juyaimandallachu pai imapi mejorana cashcataca na ricuj tucushpa ladoman saquina cangui.

 Cai temacunamandami parlai ushanguichi:

•   Culquimanda. ¿Dibichu capangui? ¿Ama yapata gashtangapaj controlarinaca dificilchu can? Cazarashpaca ¿imashinata culquitaca gashtagringuichi?

•   Saludmanda. ¿Quiquinga ali saludtachu charipangui? ¿Imapash gravella problema de saludta charipashcanguichu?

•   Metacuna. ¿Ima metacunatata pactachingapaj munapangui? ¿Quiquinba enamoradopash chai metacunatallatachu charin? Cazarashca jipa quiquingunapa circunstanciacuna cambiajpi chai metacunata na pactachi ushashpaca ¿cushilla causai ushanguichicha?

•   Familia. ¿Maijanbash familiata cuidana obligacionda charipanguichu? ¿O jipa punllacunapi familiapi pitapash cuidana obligación ricuringami yashcanguichu? ¿Huahuacunata charingapaj munanguichu? Shina cashpaca ¿mashnata huahuacunatata charingapaj munapanguiman?

 Chai temacunamanda parlashpaca, cabalta na llullashpami parlana cangui. Na ali quidanamandallachu imatapash pacashpa parlana cangui (Hebreos 13:18).

 Caipi yuyapai: Chaishuj personamandaca ¿imatata yachana capangui? Chai personapash ¿imatata quiquinmandaca yachana can? Cunanbillata cabalta parlanaca ¿imashata cazarashpapash aliguta parlarichun ayudanga?

 Bibliapica ninmi: ‘Cada unomi ciertota shujcunamanga parlana capanguichi’ (Efesios 4:25).

 Ariana shuti huarmiguca ñami shuj huatata casada can. Paica ninmi: “Joven cuitsagucunaca, ‘talvez ña 6 quillahuanga cazarashun nihuangami’ nishpami pensanata yachan. Pero jari jovengucunaca talvez shuj huatahuanmi cazaranamandaca parlasha yan. Shina pasajpica, huarmigucunaca llaquillami sintirin. Porque paica uchalla comprometiringapami munajurianga. Ishcandillata parlarishpa de acuerdo churarishpaca alimi canman” ninmi.

 Na tucui personachu igual igualcuna canchi. Chaimi pihuan enamorado purijushpapash tucuipimi igual cana canchi, tucuipimi igual pensana canchi nishpaca, na pensana capangui. Por ejemplo, huaquinbica shuj llactamanda caimanda, o huaquinbica shuj formata viñashca caimandami shuj shuj pensamientocunata charinchi.

 Caipi yuyapai: Si na yapa importante cosascuna cajpi y si Bibliapi consejocunata na ladoman saquijujpica ¿tranquilo ali causaiguta mascaimandaca chai desacuerdota arreglangapaj esforzarinajunguichichu?

 Bibliapica ninmi: “Na quiquingunapa nishcahuan yalingapaj munajcuna cashcataca, tucuicunami ricuna can” (Filipenses 4:5).

 Matthewca cinco huatacunatami casado can. Paica ninmi: “Ashtaca cosascunapimi igual canchi nishpa pensanajushpapash siempremi desacuerdocunaca tian. Ashtaca cosascunapi igual canaca importantemi can. Pero na de acuerdo cashca cosascunapi chai desacuerdocunata imashina solucionanata ricunami ashtahuan importante can” ninmi.

 Pihuanbash enamorado purijushpaca, ashtaca tiempotami chai personahuanga yali callaringui. Chaimandachari estresado sintiri callaringui. Ama yapata estresarichunga ¿imata ayudanga?

 Mashna tiempota igual yalinajushcataca aligutami pensarina canguichi. Quiquinba enamoradohuan yapa tiempota yalishcamandaca, na quiquinba ruraicunata descuidanachu cangui, ni quiquinba amigocunatapash na descuidanachu capangui. Alana shuti huarmiguca ñami 5 huatacunata cazarashca can. Paica ninmi: “Cazarashca jipaca, quiquinba amigocunataca minishtishpa catinguimi. Paicunapashmi quiquindaca minishtishpa catinga. Ama enamoradota charishcamandallaca paicunataca ladoman saquinguichu” ninmi.

 Siempre yaripangui, cazarashpaca tucuita ruranacunapami tiempota y fuerzata charina capangui. Chaimandami enamoradocuna purijushpallata, shuj cosascunatapash rurangapaj tiempota y fuerzata charingapaj practicajuna cangui.

 Caipi yuyapai: ¿Ashtahuan tiempota igual yalishun nishpachu quiquinba enamoradota o enamoradataca exiginata yachapangui? ¿Ñuca enamorado o enamoradaca yapa exigentemi can yapanguichi? Ama yapa tiempota exigijungapaj y ama yapata shaijushca sintirijungapaca ¿imatata rurai ushapangui?

 Biliapica ninmi: ‘Tucui imapajpash, chai punllacunami chayamun. Tucui imata rurangapaj munajpipash, chai horasmi chayamun’ (Eclesiastés 3:1).

 Danielca ishcai huatacunatami cazarashca can. Paica ninmi: “Si shuj pareja solo puritalla o divertiritalla divertirishpaca, cazarashpaca llaqui apangami. Enamoradocunaca imagutapash randingapaj llujshishpa, huasipi cosasgucunata igual rurashpa o Taita Diosta igual adorashpami ashtahuan ali rijsirinajun” ninmi.

 Ama cungapanguichu, enamoradocuna purishpami tiempohuanga ricuna capangui, si matrimonioman chayanata o mejor ñana enamoradocuna cashpa catinata. Maijan decisionda agllashpapash, imata ruranatami parte 3​pica yachajupashun.