Estados Unidos llactamanda Centros para el Control y la Prevención de Enfermedades nishca organizacionga 15 huatacunamanda 19 huatacunacaman charij jovengunatami jaripa, huarmipa partecunata lambinamanda tapujpica ashtacacunami chaita rurashcataca nirca. Sexo oral: el nuevo beso de buenas noches nishca librota escribij Shalene Azam huarmica cashnami nin: “Jaripa huarmipa partecunata lambinamanda jovengunahuan parlajpica imapash nali cashcataca na ninllu. Shinallata jarihuan, huarmihuan pacta puñunshnaca na canllu” ninmi.

•  Jaripa huarmipa partecunata lambinamandaca ¿imatata yuyangui?

•  ¿Bibliapa yachachishcacuna o gentecunapa yuyaicunachu cierto can?

•  Jaripa huarmipa partecunata lambinamanda Biblia ima nijta yachanaca ¿importantechu can?

 Ari nishpa o na nishpa contestapangui.

1.   Jaripa partecunata lambishpaca ¿vijsandi quidaita ushanllu?

   1.   Ari

   2.   Na

2.   Jaripa huarmipa partecunata lambimandaca ¿imapash ungui japita ushanllu?

   1.   Ari

   2.   Na

3.   Jaripa huarmipa partecunata lambinaca shuj ¿jarihuan o shuj huarmihuan canashnallatachu can?

   1.   Ari

   2.   Na

 Quiquinba yuyashcacunahuan cai tapuicunata chimbapurapai.

1.   Jaripa partecunata lambishpaca ¿vijsandi quidaita ushanllu?

    Respuesta: Na. Jaripa partecunata lambishpaca na vijsandi quidaita ushanllu. Chaimi ashtaca gentecunaca jaripa huarmipa partecunata lambinaca na imapash canllu nin.

2.   Jaripa huarmipa partecunata lambimandaca ¿imapash ungui japita ushanllu?

    Respuesta: Ari. Huarmipa Jaripa partecunata lambishpaca sida ungui, hepatitis A o B ungui, gonorrea ungui, herpes ungui, sífilis ungui na jambirinalla unguicuna o shuj unguicunami japita ushan.

3.   Jaripa huarmipa partecunata lambinaca ¿shuj jarihuan o shuj huarmihuan canashnallatachu can?

    Respuesta: Ari. Jaripa huarmipa partecunata lambina, cutin jaripa huarmipa partecunata tacarinaca shuj jarihuan o shuj huarmihuan canashnallatami can.

 Jaripa huarmipa partecunata lambinamanda Biblia ima nijta ricupashun.

 Bibliapica ninmi: “Taita Diosca quiquinguna limpio causaita charichun y huainayana juchamandapash jarcarichunmi munan” (1 Tesalonicenses 4:3, TNM ).

 Huainayana juchaca na cazarashcacuna pacta puñuna, jaripa o huarmipa partecunata lambina, sexo anal nishcata, na cusa cajpita o na paipa huarmi cajpita shujpa partecunata tacarijunaca huainayana jatun juchami can. Huainayana juchapi urmajcunaca ashtaca llaquicunatami charin. Ashtahuangarin Taita Diosmandami caruyan.

 Bibliapica ninmi: “Huainayana juchapi urmajcunaca, paipa cuerpotallatami llaquichin” (1 Corintios 6:18, TNM ).

 Jaripa huarmipa partecunata lambishpaca shuj nanaicunami japita ushan. Shinallata yuyaitapashmi huaglichin. Shinallata Taita Diosmandapashmi caruyaita ushangui. Cómo hablar de sexo con los adolescentes para que te escuchen nishca libropica cashnami nin: “Jarihuan huarmihuan canata na respetashpami huaquingunaca shuj shuj nali ruraicunata rurashca. Chaimandami imamandata caicunataca rurarcani nishpa ninanda llaquirishpa arripintirishca”.

 Bibliapica ninmi: “Ñucami, cangunata mandaj Taita Dios cani. Ñucami, cangunapaj ali cachun cangunata yachachini” (Isaías 48:17).

 ¿Taita Diospa mandashcacunaca quiquinba causaipica ayudaita ushanllu? o ¿cushilla causachun na saquinllu nipanguimanllu? Ashtaca carrocuna yalinajuj carreterapica alimanda rina, maipi shayarina cashca ricuchij señalcunami tian. Cai señalcunaca ¿imapapash ayudanllu ninguimanllu? Chai churashca señalcunata na respetashpaca llaquipimi urmanguiman. Chashnallatami Taita Diospa yachachishcacunata na cazushpaca llaquicunata charita ushapangui.

 Sex Smart nishca libropica cashnami nin: “Nali cashcata yachashpata nali cosascunata rurashpa catishpaca quiquinllata na respetarijushcatami ricuchipangui”. Taita Diospa mandashcacunata cazushpaca quiquinllatami ima ali cashcata, ima nali cashcata yachashcata ricuchipangui. Shinallata quiquinba concienciapimi ali sintiripangui.