Na. Bibliapica, Taita Diosmi gentecunatapash y según paicunapa clase shuj shuj laya animalcunata y plantacunatapash rurarca nin a (Génesis 1:12, 21, 25, 27; Apocalipsis 4:11). Shinallata, Bibliapica primeroca Adán y Evatami Taita Diosca rurarca, chaimi muyundi alpapica ashtaca gentecuna mirarca nin (Génesis 3:20; 4:1). Pero huaquin gentecunaca, según paicunapa clase tiashca shuj shuj laya animalcunata, plantacunataca por evolucionmi Taita Diosca rurarca nin. Chashna yuyaicunatami evolución teística nin. Pero Bibliapica por evolución teística Taita Dios rurashcataca na yachachijunllu. Cutin cientificocunaca ninmi, según paicunapa clase caj shuj shuj laya animalcuna, plantacunaca huaquin cambiocunata o variaciongunatami b charinata yachan nishpa. Bibliapica ciencia imata nijujca llullami can nishpaca na imatapash ninllu.

•  ¿Imatata huaquin gentecunaca crin?

•  ¿Bibliapica evolución tiajtachu yachachin?

•  Huaquin plantacuna y animalcuna paicuna maipi cashca pushtucunaman adaptarishpaca ¿evolución tiashcatachu ricuchijun?

 Evolución teística shimitaca shuj shuj cosascunata intindichingapami utilizan. Encyclopædia Britannica libropica ninmi: “Taita Diosca cai mundopi plantacunata, animalcunata de forma natural dirigingapami evolución teística nishcataca utilizan” nin.

 Cai cosascunata intindichingapapash evolución teística shimitaca utilizan:

•   Plantacuna, animalcunaca tucuicunallatami hace unai huatacuna tiashca plantacunamanda, animalcunamandallata shamun nin.

•   Plantacuna o animalcunaca cambiashpami, totalmente diferente plantacuna o animalcuna tucuita ushan ninmi. Chashna pasashcatami macroevolución nin.

•   Chashna cambiocunata imashapacha controlajushcataca na yacharinllu pero Taita Diosmi controlajun nin.

 Evolución teística nijuj yuyaicuna cierto cashca cajpica, Génesis libropi nijuj huaquin yuyaicunaca na ciertochu canman. Pero Jesusca, Génesis libropi parlashca shimicunaca cierto cashcatami nirca (Génesis 1:26, 27; 2:18-24; Mateo 19:4-6). Bibliapica Jesús nara cai alpaman shamushpaca, jahua cielopimi Taita Dioshuanmi causarca, paimi Taita Diostaca ‘tucuita rurachun’ ayudarca nijunmi (Juan 1:3). Shinaca, Taita Diosca na por evolucionllu según paicunapa clase shuj shuj laya animalcunata, plantacunataca rurarca, na chaitaca Bibliapica yachachinllu.

 Según paicunapa clase shuj shuj laya animalcuna, plantacunaca cambiaita ushanmi. Pero Bibliapica, mashnata cambianata o mashna variaciongunata chari ushanataca na nijunllu. Shinallata, Taita Dios rurashca animalcunata o plantacunata shuj ladocunapi churajpica, chai pushtucunapi adaptarishpa, chaicunapi mirashpami paicunapa formapica ashaguta cambiarin. Bibliapica chaica na ciertochu can nishpaca na imatapash ninllu. Huaquin gentecunaca chashna cambiocunata ricushpami evolución tianmi nin. Pero chaica na evolucionllu can. Porque na shuj mushuj clase animalcuna o shuj mushuj clase plantacunachu formarishca, sino chai clase animalcunapillata o chai clase plantacunapillatami huaquin variacionguna o cambiocuna tiashca.