Taita Diosca ñucanchicuna paita mañachunmi munan. Pero Jesuspa shutipi mañachunmi munan. Jesusca “ñucami ñan cani, ima cierto cashcata pactachijpash cani. Ñucami gentecunamanga causaita cuni. Pi cashpapash ñucamandallami ñuca Taitapaman shamuitaca ushan” nircami (Juan 14:6). Shinallata Jesusca paipa apostolcunamanga cashnami nirca: “Imatapash ñucapa shutipi ñuca Taitata mañajpica, paica carangallami” nircami (Juan 16:23).

Cai razongunamandami Jesuspa shutipi mañana capanchi

•   Jesusta y paipa Taita Jehová Diosta respetashcata ricuchingapaj (Filipenses 2:9-11).

•   Jesús huañushcamanda agradicishcata ricuchingapaj. Taita Diosca Jesusta cachamushpami ñucanchicuna salvarichun ayudajun (Mateo 20:28; Hechos 4:12).

•   Jesuspa shutipi mañashpami Jesuslla ñucanchimanda Taita Diosta mañaita ushashcatami ricuchinchi (Hebreos 7:25).

•   Bibliapica Jesús shuj ‘sacerdote principal’ cajtami ricuchin. Y paipa shutipi mañashpami chai cargota charishcamanda respetashcata ricuchinchi. Shinallata Jesusmandami ñucanchicunaca Taita Dioshuan amigocuna caita ushanchi (Hebreos 4:14-16).