Gentecunaca paicunapa fuerzahuan mundo enteropi tranquilo ali causaigu tiachunga nunca na ushangachu. Imamanda gentecuna na ushashcataca caipi ricupashun:

•   “Runacunaca paicunapa causaitaca na mandaita ushanllu. Chaitaca yachapanimi.” (Jeremías 10:23, TNM.) Taita Diosca gentecunataca paicunallata mandana derechota charichunga na rurashcachu. Chaimandami paicunaca tranquilo ali causaigu tiachunga na ushan.

•   “Mandajcunatapash, huañuna aichayu runatapash, na yariashpa causanachu canguichi. Paicunaca, na quishpichi ushanllu. Paicunapaj samai anchurijpica, alpallatami tigran. Imata yarijushcapash, chai punllallatami tucurin.” (Salmo 146:3, 4.) Alita rurangapaj munaj gobiernocunallapash, guerracunapa, problemacunataca na tucuchita ushashcachu.

•   “Shinapash yachanami cangui, último punllacunapica shinlli, na aguantai ushanalla tiempocunami chayamunga. Porque gentecunaca [...] na controlarinata yachajcuna, millai millaicuna, alita ruranata na gushtajcunami canga, [...] nimamanda na uyangapaj munajcuna, ninanda jariyashcacuna.” (2 Timoteo 3:1-4.) Último punllacunapi causajuimandami gentecunapa nali ruraicunamanda tranquilo ali causaigutaca na charita ushanchi.

•   “Cai alpapash y mar yacucunapash, aij imachari tucunguichi. Porque Diabloca ninandapacha culirashpami quiquingunapamanga uriajumushca. Paica asha tiempotalla charishcataca alimi yachan.” (Revelación 12:12.) Taita Diospa contra Diabloca cai alpaman shitai tucushcamandami gentecunataca paishnalla cachun nalicunata rurachin. Diabloca cai alpata mandajushcacamanga tranquilo ali causaiguta charitaca na ushashunllu (Juan 12:31).

•   Taita Diospa Gobiernoca “cai tucuilla mandana llactacunatami ñutushpa tucuchinga. Ashtahuangarin paica, causaita causaicaman mandajungallami.” (Daniel 2:44.) Taita Diospa Gobierno mandajujpimi tranquilo, ali causaigutaca para siempre charishun (Salmo 145:16).