JESUSPA CHAQUITA CATISHPA CAUSASHUNCHI
Testigo de Jehovacuna shujcunapa ñaupapi ali ricurichunga ¿imashinata ayudajuni?
Gentecunaca Testigocuna imacunatalla rurajujtaca siempremi ricun (1Co 4:9). Chaimanda cashna pensaripashunchi: “Ñucapa shimicunahuan, ruraicunahuanga ¿Jehovata alipichu quidachijuni?” nishpa (1Pe 2:12). Testigocunaca shujcunapa ñaupapi ali ricuringapaca ashtaca huatacunatami esforzarishca. Shinaca shujcunapa ñaupapi ali ricurishpa catingapaj ñucanchipash esforzaripashunchi (Ec 10:1).
Cati situaciongunapi shuj cristiano imata rurana cashcata escribipai. Shinallata cada situacionbi quiquinda ayudaj Bibliapa shuj consejota anotapai:
-
Na Testigo shuj persona quiquinda shinllita rimashpa criticajpi
-
Quiquinba ropacuna, huasi o carro mapa ricurijpi
-
Quiquin causajuj llactapi na fácil cazunalla shuj ley tiajpi
Ñucanchi organización shujcunapa ñaupapi ali ricurishpa catichunga Departamento de Redaccionbi informacionda mascaj huauquipanicunaca ¿imatata ruran?
CABALTA NINATACA NINANDAMI ALICACHINCHI NISHCA VIDEOTA RICUSHCA JIPACA, CAI TAPUITA CONTESTAPANGUI:
Ñucanchi publicacionguna cabal cachun huauquipanicuna ninanda esforzarishcamandaca ¿imatata ashtahuan gushtapangui?
