“Llasha quipishna cambaj llaquitaca, Mandaj Diosman saquilla. Paica ayudangallami. Imatapash cashcatapacha rurajtaca, na tucui causaipi llaquita apajuchun saquingachu.”

(Salmo 55:22)

“Can saruna chaqui ñandapash, imashna cajta ali ricungui. Tucui imata rurashpapash, aligutalla rurangui.”

(Proverbios 4:26)

“Na manllanachu canguichi, ñucami cangunahuan cani. Na shaijunachu canguichi, ñucami cangunaman ushaita cuj Taita Dios cani [...], ñuca ali lado maquihuanmi, cangunapaj tucui causaipi ayudajushalla, imatapash carajushalla.”

(Isaías 41:10)

“Canguna puramandaca, ashtahuan jatunyangapaj ninanda munajushpapash, ¿maijanshi chuscu chunga picha centimetrotallapash mirachita ushanguichi?”

(Mateo 6:27)

“Cangunaca, na cayandi punllamanda yarishpa musparinachu canguichi. Punllandimi llaquicunaca tian.”

(Mateo 6:34)

 “Ima illajpipash, na chaitalla yariashpa llaquilla causanachu canguichi. Ashtahuangarin Taita Diosmanmi, imatapash villashpa ninanda mañana canguichi. Tucui imamandapash pashi nishpa mañaichilla. Casilla ali causaitaca, Taita Diosmi caramunga. Chashna aliguta causanataca, pipash na yachajui ushanalla cajpimi, cangunapaj shungutapash, yuyaicunatapash, Cristo Jesushuan shujlla tucushcamanda huacaichijunga.”

(Filipenses 4:6, 7)