Israel llactapi Indi llujshijuj ladocunapi causaj gentecunaca estrellacunami ayudaita ushan yanmi carca. Shuj tutaca Indi llujshijuj lado llactacunamanda jaricunaca, cielopi shuj estrella ninanda brillashpa caiman chaiman cuyurijujta ricushpami chai estrellata catirca. Chai estrellaca Jerusalenman chayachunmi ayudarca. Chai jaricunaca cashna tapushpami rinajurca: “Israelcunata mandangapaj huacharishca huahuaguca, ¿maipita canga?”. ‘Chai huahuaguta cungurishpa alicachingapami shamupanchi’ nishpa.

Jerusalén llactapa rey Herodesca, shuj mushuj rey nacirishcatami uyarca. Chaimandami ninanda preocuparishpa, curacunata mandajcunataca cashna tapurca: ‘Quishpichij Cristoca maipishi’ naciringa nishpa. Chaimi paicunaca nirca: ‘Judea llactapi Belén pueblopimi’ naciringa nishpami profetacunaca villashca nishpa. Chaimi Herodesca Indi llujshijuj ladocunamanda jaricunata cayashpa cashna nirca: ‘Belenman richi, chai huahua maipi cajta ucha tapushpa mascanguichi. Ña tarishpaca, ñucapash paita alicachigringapaj ñucaman ucha villaj shamunguichi’ nishpa. Shinapash paica llullajurcami.

Chai estrella cutin cuyurijpimi, chai jaricunaca Belén llactacaman catishpa rinajurca. Shuj huasi jahuapi chai estrella quedajpimi chai huasiman yaicushpa Jesusta, paipa mama Mariatapash ricurca. Chaimi chai jaricunaca Jesuspa ñaupajpi cumurishpa alicachinajurca. ‘Paicunaca orota, inciensota, mirra nishcatami caranajurca’. Shinapash ¿Jehová Dioschu chai jaricunataca Jesuspaman cacharca? Na. Jehová Diosca na cacharcachu.

Chai tutallatami Jehová Diosca shuj muscuipi Josetaca nirca: “Ucha jatarishpa, huahuata mamandi pushashpa, Egiptopi pacajugri. Ñuca canman cutin villangacaman, chaipi causanguilla. Herodesca, huahuata huañuchingapajmi” munajun nishpa. Shina nijpimi, Joseca ‘huahuata mamandi apashpa, chai tutallata Egiptoman rirca’.

Shinallata Jehová Diosca Indi llujshimuj lado llactamanda jaricunataca Herodespaman ama tigranguichichu nircami. Chai jaricuna ñana tigramujpimi Herodesca ninanda fiñarirca. Jesusta na tarishpami “Belén pueblopi, chai muyundi tucui llactacunapipash, ishcai huatata nara charij, tucuilla jari huahuacunata huañuchigrichun mandarca”. Shinapash Jesusca Egipto llactapi causajuimandaca nima na pasarcachu.

 Tiempo yalijpica Herodesca huañurcami. Chaimandami Jehová Diosca cashna Josetaca nirca: “Israel llactaman tigrailla. Huahuata huañuchingapaj munaj runacunaca, ñami huañushca” nishpa. Chaimi Josepash, Mariapash, Jesuspash tigrashpa Nazaret pueblopi causarca.