LECCIÓN 42
Soltero canamanda y matrimoniomandaca ¿imatata Bibliapica yachachin?
Ashtaca gentecunaca cushilla causangapaca cazaranami minishtirin ninmi. Pero na tucui cazadocunachu cushilla causan. Y na tucui solterocunachu llaquilla causan. Bibliapica soltero canapash y cazado canapash shuj regalomi can nishpami yachachin.
1. Soltero canaca ¿imapita benefician?
Bibliapica ninmi: “Shinaca cazarashpaca alitami rurajun. Pero na cazarashpaca ashtahuan alitami rurajun” (1 Corintios 7:32, 33 y 38, liipangui). “Na cazarashpaca alitami ruran” nishpaca ¿imatata nisha nin? Soltero huauquipanicunaca, huarmita o cusata cuidanamandaca na preocuparinllu. Chaimi paicunaca ashtahuan libertadta charin. Y Jehová Diosta ashtahuan sirvita ushan. Por ejemplo, soltero caimandaca facilllami shuj llactacunapi sirvita ushan. Solterocunaca Jehová Dioshuan ashtahuan ali amigo tucungapami paicunapa tiempota utilizaita ushan.
2. Legalmente cazado canaca ¿imamandata ali can?
Tanto soltero cana como cazado canapash tauca beneficiocunatami charin. Bibliapica “shujlla causanapa randica, ishcaipura causanami ashtahuan ali” can ninmi (Eclesiastés 4:9). Bibliapa consejocunata pactachishpa causaj matrimoniocunami ashtahuanbachaca ali causaita ushan. Legalmente cazarashpaca juyarishpa, respetarishpa y cuidarishpa causangapami prometishca. Chaimi na cazarashpa pacta causanajuj gentecunahuan ricushpaca, legalmente cazarashcacunaca ashtahuan seguro sintirin. Shinallata huahuacunamanbashmi shuj ali, seguro causaitapash cuita ushan.
3. Matrimoniomandaca ¿imatata Jehová Diosca yuyan?
Primer cusahuarmita cazarachijushpaca, Jehová Diosca caitami nirca: ‘Jarica paipaj taitata, paipaj mamata saquishpa, paipaj huarmihuan tandanajunga’ nishpa (Génesis 2:24). Jehová Diosca cusahuarmicunaca juyarishpa igual causachunmi munan. Separarichunga na munanllu. Shinapash cusahuarmimanda shuj huainayana juchapi o adulteriopi urmashca cajpillami divorciarichunga saquin. Y divorciarinata o na divorciarinata decidichunga na culpata charij cusa o huarmi decidichunmi Jehová Diosca saquishca (Mateo 19:9). a Jehová Diosca shuj cristiano ishcai huarmihuan o ishcai jarihuan cazarashca cachunga nimamanda na munanllu (1 Timoteo 3:2).
ASHTAHUAN YACHAJUPASHUNCHI
Cunanga soltero cashpa o cazado cashpapash imashina cushilla causai ushashcata y Jehová Diostapash imashina cushichi ushanatami yachajugripanchi.
4. Soltero canata ali aprovechapai
Jesuspaca soltero canaca shuj valishca regalomi carca (Mateo 19:11, 12). Mateo 4:23ta liishpa cai tapuita contestapangui:
-
Jesusca ¿imashinata pai soltero canataca Jehová Diosta ashtahuan sirvingapaj y shujcunata ayudangapapash aprovecharca?
Jesushna soltero canata ali aprovechashpaca, soltero huauquipanigucunaca cushillami causaita ushan. VIDEOTA ricushpa, cai tapuita contestapangui:
-
Soltero cristianocunaca ¿imashinata soltero cashcataca ali aprovechaita ushan?
¿Yachaparcanguichu?
Bibliapica mashna edadta charishpa cazaranataca na ninllu. Shinapash ‘ñana yapa joven cashpa’ cazarachun ninmi. Porque yapa joven cashpami jarihuan o huarmihuan cana munaicunaca ashtahuan fuerte can (1 Corintios 7:36).
5. Cusata o huarmitaca ali ali agllapangui
Pihuan cazaranata agllanaca shuj importante decisionmi can. Mateo 19:4manda 6caman y 9ta liishpa, cai tapuita contestapangui:
-
Soltero huauquipanigucunaca ¿imamandata nara cazarashpallata aliguta pensarina can?
Bibliapa consejocunami cusa o huarmi tucuna ima cualidadcunatalla charina cashcata yachachun ayudan. Ashtahuanbachaca, Jehová Diosta tucui shunguhuan juyajcunatami agllana can. b 1 Corintios 7:39 y 2 Corintios 6:14ta liishpa, cai tapuicunata contestapangui:
-
Cristianocunaca ¿imamandata Jehová Diosta sirvijhuanllata cazarana can?
-
Jehová Diosta na sivijhuan cazarajpica ¿imashinashi Jehová Diosca sintiringa?
Diferente animalcunata pacta yugushpaca, ishcandillatami ninanda sufrin. Shina cuendami shuj cristiano Jehovata na sirvijhuan cazarashpaca ashtaca problemacunata charita ushan
6. Matrimoniotaca Jehová Dios ricunshnallata ricupai
Punda tiempopi huaquin israelitacunaca paicunapilla pensarimandami divorciarin carca. Malaquías 2:13, 14 y 16ta liishpa, cai tapuita contestapangui:
-
Bibliapi nishcashna pipash yangamanda divorciarijpica ¿imamandata Jehová Diosca na ricunayachin?
Adulteriopi urmana y divorciarinapash inocente cusa o huarmita y shinallata huahuacunatapashmi llaquichin
VIDEOTA ricushpa, cai tapuita contestapangui:
-
Jehová Diosta na sirvijhuan cazarashca cashpaca ¿imacunatata cushilla causangapaca ruraita ushapangui?
7. Cazarangapaj Jehová Dios cushca leycunata cazupangui
Matrimoniomanda imata Jehová Dios mandashcata pactachinaca huaquingunapaca shinllimi ricurita ushan. c Shinapash pactachingapaj esforzarijcunataca Jehová Diosca ninandami bendicianga. VIDEOTA ricupai.
Hebreos 13:4ta liishpa, cai tapuicunata contestapangui:
-
Matrimoniomanda Jehová Dios cushca leycunaca ¿ali cajtachu cripangui? ¿Imamandata shina cripangui?
Mundo enteropimi divorciaringapaj y cazarangapapash leycuna tian. Chaimandami Jehová Diosca tanto matrimoniota y divorciotapash legalmente registrachun munan. Tito 3:1ta liishpa, cai tapuita contestapangui:
-
Quiquin cazado cashpaca, quiquinba matrimonio autoridadcunapa ñaupapipash legalmente registrashca cashcataca ¿segurochu capangui?
HUAQUINGUNACA, “¿Imapata cazarashun? Cazarashca papelca ¿ciertopachacha minishtirin?” ninmi.
-
Quiquinga ¿imatata nipanguiman?
YARINGAPAJ
Tanto soltero cana como matrimoniopash Jehová Diospa shuj regalomi can. Jehová Diospa mandashcacunata pactachishpaca solterocuna y cazadocunapashmi cushilla causaita ushanga.
¿Imatata yachajupashcanchi?
-
Soltero canataca ¿imashinata shuj personaca ali aprovechaita ushan?
-
Bibliapica ¿imamandashi cristianocunataca Jehová Diosta sirvijcunahuanlla cazarachun mandan?
-
Bibliapi nishcashnaca ¿imamandapachata divorciaritaca ushan?
CAITAPASH RICUPAI
Cristianocunahuanlla cazarana nishpaca ¿imatata ningapaj munan?
“Gentecunaca tapunmi” (Villajun revista, 1 de julio de 2004)
Ali decisionda agllaita ushangapaca noviazgo y matrimoniopa ishcai ejemplocunata ricupangui.
Cazado causaipaca ¿imashinata cunanmanda preparari ushanchi? (11:53)
Shuj huauquigu pai saquishcata yali valishcata Jehová Dios carashcata seguro cashcata ricupai.
Shuj cristianoca nara partirishpa o divorciarishpallata ¿imatata yaipi charina can?
“Cazarashca causaita respetashunchi” (Villajun revista, 15 de diciembre de 2018)
a Huainayana juchapi na urmashca cajpi partirinamandaca nota 4pimi ashtahuan informacionda ricuita ushapangui.
b Shuj culturacunapica taitamamacunami paicunapa ushi o churi pihuan cazaranata agllan. Chai casoscunapica charij cajtaca na ricunllu, ashtahuanbachaca Jehová Diosta juyajtami ricun.
c Na cazarashca cashpata pihuanbash causajushpaca, quiquinmi cazaranata o separarinata decidina capangui.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
