Maijan palabracuna importante cajta ricuchipangui. Shuj textota liishca jipaca, maijan palabracuna importante yuyaita apoyajujta ricuchingapami, chai palabracunataca cutin tigrashpa nina capangui. Na cashpaca, maijan palabracuna importante cashcata cuenta japichunmi, tapuicunata rurana capangui.

Maijan yuyai importante cashcata ricuchipangui. Shuj textota imamanda liigrijushcata nishca cashpaca, chai textopi palabracuna quiquin parlajushca yuyaita imashina apoyajtami ricuchina capangui.

Jahuallaguta intindichipangui. Quiquin yachachijuj temata, huaquin yuyaicuna na yapata apoyajujpica, chai yuyaicunatapash intindichijunaca na minishtirinmanllu. Aliguta intindichingapaj mashna información minishtirijujta yachangapaca, quiquinda uyajcuna imata ña yachajta o nara yachajtami ricuna capangui.