Llaquicunamanda ali gentecuna sufrichunga nalipachami can. Chaimi ali gentecuna llaquicunahuan sufrinajujta ricushpaca, alita rurangapaj esforzarinaca na minishtirinllu nishpa pensarinchipashchari.

Huaquin gentecunaca, destinashca caimandami llaquicunataca charinchi nishpami crin. Cutin shujcunaca llaquicunahuanmi Taita Diosca nali gentecunataca castigan ninmi. Shinallata shujcunaca, ali gentecuna Taita Diospi crishcata o na crishcata yachangapami llaquicunata Taita Diosca cachamun ninmi. Shinapash huaquin gentecunaca, imamandata ali gentecuna llaquicunata charishcataca na yachai usharinllu ninmi. Chaimandami huaquingunaca caita tapurishca:

• Ñucanchipa causai destinashca cajpica ¿imapata ali saludta charingapaj, ali desiciongunatapash agllangapaj esforzarina capanchi?

• Taita Dios gentecunata juyashpapash ¿imamandata llaquicunahuan gentecunataca llaquichin?

  ASHTAHUAN YACHANGAPAJ MUNASHPACA

  Diosca ¿imamandata llaquicuna tiachun saquishca? videota jw.org paginapi ricupangui

Taita Diosca llaquicunahuanga na castiganllu

Huaquinbica rato menos pensadomi llaquicunataca charinchi.

“Ashtahuangarin runapash, ima punlla ima tucunataca na yachanllu. Imashnami pijicunaca linllipi ñapash japi tucun, imashnami alasyu animalcunapash tugllapi huatarishpa japi tucun, shinallatami runacunapash nali punllacunapica, ima llaquipipash lazupishna ñapash japi tucun” (ECLESIASTÉS 9:12).

Juchayucuna nacirishcamandami llaquicunataca charinchi

Casi siempremi gentecunaca, nali ruraicunamanda parlangapami jucha nishca shimita utilizan. Shinapash Bibliapica cai shimitaca tucui gentecuna juchayucuna cashcata ricuchingapaj, chai juchata Adanmanda, Evamanda chasquishcata ricuchingapami utilizan.

“Ricui, ñucaca mamapaj vijsapillatami, na ali cashcani. Ñuca mamaca, juchandillatami vijsayu tucuhuashca” (SALMO 51:5).

Juchayucuna cashcamandami llaquicunataca charinchi

Gentecunaca juchayucuna caimandami Taita Diospa ñaupapica na ali ricuri ushashca. Shinallata shujcunahuanbash na ali llevari ushashca. Taita Diospa rurashcacunatapashmi tucuchinajushca. Chaimi tucuicunallata ashtaca llaquicunata charipashcanchi.

‘Imatapash aliguta rurangapaj ñuca munajushpaca nalita rurana munaica ñucapillata tiajujtami tarini’ (ROMANOS 7:21).

‘Dios rurashcacunaca tucuilla cunangaman llaquita apanajun’ (ROMANOS 8:22).