4 ¿Llaquicunahuan causachunllu Taita Diosca ñucanchitaca rurarca?
Caita yachanaca ¿imamandata minishtirishca can?
Caita yachanami shamuj punllacunapi ali causaiguta shuyachun ayudan.
Caipi yuyapai
Taita Dios cai alpaguta juyaillaguta rurashca cashpapash ¿imamandashi llaquicuna tiachun saquishca?
Religiongunata na catij huaquin gentecunaca llaquicunata ricushpami Taita Diosca gentecunamandaca na preocuparinllu ninmi. Cutin shujcunaca llaquicunata ricushpami Taita Diosca na tianllu ninmi. Shinallata llaquicunata ricushpami paicunaca, Taita Diosca llaquicunata tucuchitaca na ushanllu, gentecuna llaquicunahuan causachun munan o Taita Diosca na tianllu nishpami crin.
Shinaca ¿chaicunamandachu llaquicunaca tian?
ASHTAHUAN YACHANGAPAJ MUNASHPACA
Biblia cabalta nijushcataca ¿imamandata crita ushanchi? videota jw.org paginapi ricupangui
Bibliapica ninmi
Taita Diosca llaquicunahuan causachunga gentecunataca na rurarcachu
Taita Diosca gentecuna cushilla causachunmi munan.
Gentecunapa “causaipica, cushijushpa alita rurashpa causana ashtahuan ali cajtami yacharcani. Shinallata tucui runacuna imatalla rurashcamandaca micushpa, ufiashpa, cushijushpa causachun Taita Dios cushcatami yacharcani” (ECLESIASTÉS 3:12, 13).
Taita Diosca Adanda, Evatapash rurashpaca paicuna cushilla causachunmi tucuita curca
Taita Diosca Adanbash, Evapash, paicunapa huahuacunapash llaquicunahuan causachunga na munarcachu.
‘Taita Diosca, paicunata bendiciashpami, “huacharishpa ninanda mirashpa, ashtacacunapacha tucushpa, cai pachapi jundanguichi. Cai pachapi imalla tiajcunata cazuchinguichi”’ nirca (GÉNESIS 1:28).
Adán y Evapash Taita Diostaca na cazurcachu
Chaimi paicunapash, paicunapa huahuacunapash llaquicunahuan causarca.
“Juchata ruranaca, shujlla runamandami cai pachapica callarirca. Chai juchamandami, huañuipash callarirca. Shinallatami tucuicuna juchata rurashcamandaca, huañuipash tucuicunapajman yalijun” (ROMANOS 5:12). a
Taita Diosca paipa mandashcacunata pactachishpa causachunmi gentecunataca rurarca
Imashnami yacu ucupi na causaita ushapanchi, shinallatami ñucanchipurallata mandashpa causaitaca na ushapanchi.
“Mandaj Dioslla, runapaj causaica na paipajchu. Pipash [paipa] causaitaca, na mandai ushanllu” (JEREMÍAS 10:23).
Taita Diosca gentecuna llaquicunahuan causachunga na munanllu
Taita Diosca ñucanchicuna ama llaquicunata charichunmi consejocunata cun
“Ñuca mandashcacunata canguna cazushca cajpica, jatun yacushnamari casilla aliguta causanaca” na tucuringa (ISAÍAS 48:18).
a Bibliapica jucha shimitaca nali ruraicunamanda parlangapaj, tucui gentecuna juchayucuna cashcata ricuchingapaj, chai juchata Adanmanda, Evamanda chasquishcata ricuchingapami utilizan.
Cai temacunata ashtahuan liipai
VILLAJUN REVISTA
Cai mundopi llaquicuna tiajtaca ¿Taita Diosca ricujunllu?
Bibliapa cai textocunami llaquicunamanda Taita Dios imata yuyajta ricuchijun.
