Jovengunapa
11. Ali trabajador cana
¿IMATA CAN?
Ali trabajadorcunaca trabajanataca na manllanllu. Chaipa randica, imagupi trabajachun churajpipash trabajanata alicachin, imagupapash charin, shujcunatapash ayudan.
¿IMAMANDATA MINISHTIRISHCA CAN?
Munashpa na munashpapash tucuicunami obligaciongunata charipanchi. Cunanbi gentecunaca shinllita trabajanataca na gushtanllu. Chaimi ali trabajador canaca alipacha can (Eclesiastés 3:13).
Reneca ninmi: “Llashajllata trabajashpaca alipachami sintirini. Chaimandami ashtahuan trabajanata alicachini. Ashtahuangarin, ali trabajador cajpimi gentecunaca alicachishpa ricun” nishpa.
BIBLIAPICA NINMI: “Tucui imata rurashcamandapash, japina tianmi” nishpa (Proverbios 14:23).
¿IMATATA RURAI USHAPANGUI?
Ali trabajador cangapaj munashpaca cai cati yuyaicunata ricupai.
Ali ruranatami yachajuna capangui. Huasi cosascunata o debercunata rurajushpa o trabajajushpapash ali rurapangui. Imatapash ña ali rurai ushashpaca, ashtahuan ali, uchalla rurangapaj esforzaripangui. Ashtahuan ali rurashpaca, ashtahuan cushillami sintiripangui.
BIBLIAPICA NINMI: ‘¿Imatapash ali [ruranata] yachaj runata ricushcanguichu? Paica jatun mandajcunapaj ñaupajpimi sirvijunga. Yanga runacunataca na sirvijungachu’ nishpa (Proverbios 22:29).
Shujcunapi pensaripai. Quiquinba obligaciongunata pactachishpaca shujcunatami ayudajungui. Por ejemplo, huasipi ruranacunata rurashpaca, quiquinba familiapash tranquilolla sintirichunmi ayudajungui.
BIBLIAPICA NINMI: “Carajpi japijcunatapash yalimi carajcunaca, ninanda cushijun” nishpa (Hechos 20:35).
Caigutallami rurai ushani nishpaca ama quedaripanguichu. Imata mandashcata rurashca jahuapash ashtahuan ruranallami capangui. Shinami ashtahuan trabajana cashpapash, quiquinba munaimanda ashtahuan trabajangui, na shujcuna mandashcamandalla (Mateo 5:41).
BIBLIAPICA NINMI: ‘Ama ñuca nijpilla rurashpa, canba munaimanda rurapangui’ nishpa (Filemón 14).
Aliguta ricupangui. Ali trabajador cashpapash na trabajanatallachu yana capangui. Trabajanapash, samanapash alimi can.
BIBLIAPICA NINMI: ‘Ishcai maqui jundata ninanda trabajashpa shaijunapa randica, shuj maqui jundatalla trabajashpa, ashaguta samanami ashtahuan ali’ can nishpa (Eclesiastés 4:6).
Cai temacunata ashtahuan liipai
VILLAJUN REVISTA
¿Imashinata shinllita trabajashpapash cushijushun?
Trabajohuan cushilla cachun Bibliapa consejocuna imashina ayudajta ricupai.
RIJCHARIPAICHI REVISTA
Tiempota ali utilizapai
Tiempota ali utilizanata yachajungapaca quiquinba causaipi imacunalla ashtahuan importante cashcatami ricuna capangui. Chaipaca ¿imatata rurai ushapangui?
