Huaquinbica, huahuacuna na ali portarijpimi aliguta intindichishpa yachachina can. Shinapash ashtahuanbachaca alita rurashpa, ama pandarishpa ali decisiongunata agllachunmi yachachina can.

Cunangunapica, huahuacunataca na yapata llaquichinachu can nishpami, huaquin taitamamacunaca huahuacunata aliguta intindichishpa yachachingapaca ñana munan. Shinapash ali taitamamacunaca, imata ruranatapash, cazunatapashmi huahuacunamanga yachachin.

Pamelaca ninmi: “Ali viñangapami huahuacunaca imata rurana cashcataca ali intindina can. Na ali intindishpaca, barcota manejana jirru palanca illanshnami huahuacunaca llaqui apanga” nishpa.

Quiquinba churi na cazujpica, na cazushcamanda imacunalla pasajtami aliguman intindichina capangui. Cutin cazujpica felicitanami capangui.

Cristinaca ninmi: “Cunanbica casi pipash ñana cazungapaj munanllu. Chaimi ñuca huahuacuna cazujpica siempre felicitani. Shinami aliguta intindichishpa tacurijpipash jahualla intindinlla” nin.

BIBLIAPICA NINMI: “Maijan imata tarpushpapash, chaitallatami japinga” nishpa (Gálatas 6:7).

Huahuacunataca, paicunapa edadta, imata rurashcata, mashnata intindijta aliguta ricushpami yachachina capangui. Na alita rurashcata intindichunga, chai ratopillatami aliguman intindichishpa yachachina capangui. Por ejemplo, telefonota na yapata utilizanachu canguichi nishcata na cazujpica, huaquin tiempogutami na utilizachun saquina can. Shinapash, na tucuimandachu rimajuna, tacurijuna capangui.

Wilsonga ninmi: “Siempremi pensarini, ciertopachachu na cazungapaj munarca o pandarimandallachu shina rurarca nishpa. Huahuacunataca según imata rurashcata ricushpami, tacurina cashpa o ashatalla consejana cashpapash consejana capanchi” nishpa.

BIBLIAPICA NINMI: “Taitamamacunapash, cangunapaj huahuacunataca, na yapata llaquichishpa fiñachinachu canguichi” nishpa (Colosenses 3:21).

Juyaihuan intindichishpa yachachijpica huahuacunapash pandarishcata cuenta japishpami ñana pandaringapaj esforzarin.

Danielca ninmi: “Ñucanchi churi pandarijpica ninmi carcanchi, cunangaman ali decisiongunata agllashcamandaca cushijunchimi. Shinapash, cunan pandarishcataca arreglanami cangui, alita rurachunga ayudashunmi” nishpa.

BIBLIAPICA NINMI: “Juyaita charishpaca, llaquita apanllami, shujcunatapash llaquinmi” nishpa (1 Corintios 13:4).