Cusahuarmicunapa
3. Respetarina
¿IMATA CAN?
Respetarinata yachaj cusahuarmicunaca na de acuerdo cashpapashmi chaishuj imashina sintirijtaca yaipi charin. Diez claves para transformar tu matrimonio nishca libropica ninmi: “Respetarinata yachaj cusahuarmicunaca, na paicunapa yuyaicunapilla quedanllu. Chaipa randica paicunapa problemacunamanda parlan, chaishuj imata nijta aliguta uyan, de acuerdo quedangapaj esforzarin” nishpa.
BIBLIAPICA NINMI: “Juyaita charishpaca [...] na paipajlla alita mascanllu” nishpa (1 Corintios 13:4, 5).
Luisca ninmi: “Huarmita respetashpaca na llaquichinachu capanchi, ñucanchi matrimoniotapash na huaglichinachu capanchi” nishpa.
¿IMAMANDATA MINISHTIRISHCA CAN?
Cusahuarmicuna na respetarishpaca, imatapash na alicachishpa, imatapash uyachishpami parlanajun. Huaquin estudiashcacunaca ninmi, na respetarinata yachaj cusahuarmicunami jipacunamanga divorciarinlla nishpa.
Carlosca ninmi: “Burlarishpa, uyachishpa parlashpaca, huarmitami na ali sintichishun, ñucanchipi confianatapashmi saquinga” nishpa.
¿IMATATA RURAI USHAPANGUI?
PENSARIPAI
Huarmihuan o cusahuan último semanapi imashina parlashcata, imashina tratashcata yaripai. Chai jipaca, cai cati tapuicunata contestapai:
-
¿Mashna viajeta ñuca huarmita o cusata na alicachishpa o alicachishpa parlashcani?
-
¿Imashinata paita respetashcata ricuchircani?
PARLARIPAICHI
-
¿Imacunata nijpi o rurajpita ñucata respetashcata sintini?
-
¿Imacunata nijpi o rurajpita ñucata na respetashcata sintini?
CAICUNATA RURAPANGUICHI
-
Cada unomi maijan quimsa cosascunapi respetachun munashcata escribina capanguichi. Jipaman imata escribishcata huarmiman o cusaman cushpami chaishuj imata escribishcata pactachingapaj esforzarina capanguichi.
-
Huarmita o cusata imacunapi alicachishcata escribishpami, paicunata alicachishcata nina capanguichi.
Carmenga ninmi: “Ñuca cusa cushilla cachunmi imacunatapash rurashpa paita respetashcata ricuchini. Cusata respetashcataca uchilla cosascunapipashmi ricuchita ushanchi” nishpa.
Respetanchimi yuyajpipash ¿huarmi o cusaca quiquin respetashcata sintinllu?
BIBLIAPICA NINMI: ‘Mushujta churajunshnami tucui shunguhuan llaquishpa, juyashpa, na jariyashpa, aligutapacha causana canguichi’ nishpa (Colosenses 3:12).
