¿Imashinata culquitaca aliguta utilizana capanchi?
Bibliapa yachachishcacunata catinami ashtaca gentecuna culquita ama yangata gashtachun, o ama dibi tucushpa causachun ayudashca.
CULQUITA ALIGUTA UTILIZACHUNGA ¿IMATA AYUDANGA?
BIBLIAPICA NINMI: “Imatapash ucha rurajcuna aliguta yarishcahuanga, ashtacatapachami charinga. Ashtahuangarin yapata musparishpa, imatapash ruraj tucui runacunaca, imagupash illajmi tucunga” (Proverbios 21:5).
¿IMATATA NINGAPAJ MUNAN? Culquita aliguta utilizangapaca imatalla minishtishcata randingapami shuj listata rurana capangui. Shinallata chai listapi imata escribishcatami catina capangui. Quiquin munashcata randingapaj munashpapash na randita ushanataca yaipimi cana capangui. Shinaca aliguta yuyashpami culquitaca gashtana capangui.
¿IMATATA RURAI USHAPANGUI?
-
Imagutapash randingapaj shuj listata rurana. Quiquin imatalla minishtishcata randingapaj shuj listata rurapangui. Shinallata imapilla culquita gashtanata, mashnata gashtanatapash anotapangui. Quiquin rurashca listamanda imagutapash randingapaj culqui faltajpica, rurashca listamandallatami imaguta na randina minishtishcata ricushpa, chai culquita utilizapangui. Por ejemplo, carropa gasolinata randingapaj culquigu faltajpica, canllapi micungapaj alichishca culquiguta utilizapangui.
-
Ama yangamanda dibi tucupanguichu. Imagutapash randingapaj pensarijushpaca, culquitara tandachipangui. Shinapash pitapash culquiguta mañachihuai nina tucujpica, chai mañachishca culquigutaca uchallami pagana capangui. Shinami na ashtahuan dibi tucupangui. Shinapash ña dibi tucushca cashpaca, chai dibita uchalla pagangapami esforzarina capangui.
Pipash siempre mañachishca culquihuan randinata yachashpaca ashtahuanmi dibi tucun. Shinaca pitapash nara culquita mañashpallatami aliguta pensarina capangui.
ALITA RURANGAPAJ ESFORZARINA
BIBLIAPICA NINMI: “Imata ruranatapash na munaj runaca, tamiajunmi nishpami na yapun. Chai runaca, cozechana punllapi mañashpapash, imatapash na taringachu” (Proverbios 20:4).
¿IMATATA NINGAPAJ MUNAN? Imatapash na rurangapaj munashpaca ñucanchillatami llaquipi urmashun. Shinaca cunanmandallata imata ruranata ricushpa culquiguta aliguta utilizangapaj esforzaripai.
¿IMATATA RURAI USHAPANGUI?
-
Trabajador cana. Ali trabajador cashpaca pipash na trabajomandaca calpachingachu.
-
Honrado cana. Na honrado cashpa o trabajomanda imatapash pacalla shuhuashpaca pipash na quiquindaca trabajachun contratangachu.
-
Charishca jahuan ashtahuan charina munaita na charina. Ashtahuan culquita charina munaita charishpaca, ñucanchillatami ima ungüitapash japishun. Shinallata shujcunahuanbash ñana ali llevarishun. Culquica ñucanchi causaita yalica na canllu.
BIBLIAPA YACHACHISHCACUNA
Bibliataca jw.org paginapi liipangui, ashtaca ashtaca shimicunapimi tian.
TIEMPOTAPASH, CULQUITAPASH ALIGUTA UTILIZANA
“Machaj runapash, yapata micuj runapash, imatapash na charijmi tucunga. Yapata puñuj runaca, liqui churajunatami churajunga” (PROVERBIOS 23:21).
NA YAPATA PREOCUPARINA
“Imata micushpata, imata ufiashpata, imata churajushpata causashun nishpaca, na chaitalla yarishpa musparinachu canguichi” (MATEO 6:25).
NA MITSA CANA
“Mitsa runaca, ucha charijyangapajllami munashpa causan. Ashtahuangarin imagupash illaj tucuna punlla shamunataca, na yachanllu” (PROVERBIOS 28:22).
Cai temacunata ashtahuan liipai
SHUJ SHUJ TEMACUNA
¿Imashinata ashalla culquiguhuan causaita ushanchi?
Charishpata imatapash ñapash chingachinaca llaquimi can. Shinapash Bibliapa consejocunami charishcacunahuanlla cushilla causachun ayudan.
BIBLIAPA TAPUICUNA
¿Culqui faltajllagu causanajujpica Bibliaca ayudanllu?
Cushilla causaitaca nimaipi na randitaca ushanchichu. Culqui faltajllagu causanajujpica Bibliapica 4 consejocunatami cun.
