ESTRESADO CASHPACA ¿IMATATA RURAI USHAPANGUI?
Estrés illaj causaitaca ushashunmi
Bibliapa alipacha consejocunami ama yangamanda estresarishpa causachun ayudan. Gentecunaca estrés illaj causangapaj munashpapash, maimandami estresarishpa causanchi. Shinapash Taita Diosmi gentecuna estrés illaj, ali causachun ayudaita ushan. Ashtahuangarin paipa churi Jesustami ñucanchita ayudachun agllashca. Jesusca cai alpapi cashpa rurashca ashtaca milagrocunatallatami, shamuj punllacunapica ruranga. Shinaca Jesús shamuj punllacunapi imata ruragrijta ricupashunchi.
JESUSCA TUCUI UNGUSHCA GENTECUNATAMI JAMBINGA
Jesusca “tucui ungushcacunatami [jambirca]” (MATEO 4:24).
JESUSMI GENTECUNAMANGA HUASIGUTAPASH, MICUNAGUTAPASH CARANGA
“Huasicunata shayachishpami, chaipi causanajunga. Uvas chagrata tarpushpami, chaipi fucushcata micushpa causanajunga. Shujcuna causanajuchunga, na huasichinajungachu. Shujcuna micuchumbash, na tarpunajungachu” (ISAÍAS 65:21, 22).
JESUSMI CAI ALPAMANGA SUMAJ CAUSAITA APAMUNGA
“Pai mandajui punllacunapica, imatapash cashcatapacha ruranaca, sisanshnami canga. Luna tucuringacamanmi, casilla ali causaica ashtacapacha tianga. Paica, shuj lado mama cuchamandaca, caishuj lado mama cuchacamanmi mandajunga. Jatun yacumanda callarishpaca, cai pacha tucuri manñacunacamanmi mandajunga. [...] Paita fiñajcunapash, ñutu alpatami lambinajunga” (SALMO 72:7-9).
JESUSMI TUCUI NALICUNATACA TUCUCHINGA
“Imagupash illajtapash, imagutapash na charitapash llaquingami. Imagutapash na charicunapaj causaitaca quishpichingami. Paicunapaj almataca, umachi tucunamandapash, ninandapacha llaquichi tucujujmandapash llujchingami” (SALMO 72:13, 14).
JESUSMI LLAQUICUNATAPASH, HUAÑUITAPASH TUCUCHINGA
“Huañuipash, huacaipash, llaquipash, nanaipash, na ashtahuan tiangachu” (APOCALIPSIS 21:4).
Cai temacunata ashtahuan liipai
BIBLIAPA TAPUICUNA
Taita Diospa Gobiernoca ¿imacunatallata ruranga?
Taita Diospa Gobierno cai alpata mandajpi imacunalla pasanata ricupai.
