HUAQUINBICA Bibliata escribijcunaca palabra por palabra repitishpami escribin carca. Imamanda shina escribin cashcataca, quimsa yuyaicunata ricupashun.

Diospa Leytaca ¿ima horata escribirca? Jehovapa Leypa copiacunataca cazi tucuilla israelitacunami na charirca. Paicunaca tabernáculo carpa huasipi y templopi Jehovapa Leyta liingapaj tucuilla israelitacuna tandanajujpillami uyan carca (Deut. 31:​10-12). Israelitacunaca ashtaca gentecunapa chaupipi y ashtaca horascunata shayashpa Jehovapa Leyta uyana cashcamandami fácil intinditaca na ushan cashcanga (Neh. 8:​2, 3, 7). Chai horascunapi minishtirishca yuyaicunata cutin cutin tigrashpa liin cashcamandami Israelitacunaca intindishpa fácil pactachita ushan cashcanga. Minishtirishca yuyaicunata cutin cutin tigrashpa liinaca importantepachami carca. Ashtahuanbachaca Jehovapa consejocunata y mandashcacunata tigrashpa liinami importante carca (Lev. 18:​4-22; Deut. 5:1).

Jehovapa Leytaca ¿imashinata escribirca? Bibliapi Salmos, Cantar de los Cantares y Lamentaciones librocunaca canciongunami can. Chai librocunamanda huaquin partegucunaca estribillo nishcacunatami charirca. Cai estribillopi palabracuna repitishca caimandami cancionba temata y chai cancionba letracunata yarinaca facil carca. Chaita intindingapaca Salmo 115:​9-11​ta ricupashun. Chaipica: “Israelcunalla, Mandaj Diosta yariashpa causaichi. Paimi, cangunata ayudaj, canguna jarcarina escudo. Aaronbaj miraicuna, Mandaj Diosta yariashpa causaichi. Paimi, cangunata ayudaj, canguna jarcarina escudo. Mandaj Diosta manllajcunaca, Mandaj Diosta yariashpa causaichi. Paimi, cangunata ayudaj, canguna jarcarina escudo” ninmi. Pipash cai cancionda candashpaca seguromi siempre yuyarin cashcanga.

Diospa Leytaca ¿imamandata escribirca? Jehovapa Leyta huaquin escribijcunaca importante yuyaicuna ali intindirichun munaimandami cutin tigrashpa escribin carca. Por ejemplo, Jehová Diosca israelitacunataca yahuartaca na micunachu canguichi nircami. Chaimandami Moisesca Jehová Dios imamanda israelitacunaman cashna mandajushcata cutin cutin tigrashpa nishcanga. Jehová Diosca gentecunapa y animalcunapa causaipash yahuarpi cajta israelitacuna ali intindichunmi munarca (Lev. 17:​11, 14). Ashtaca huatacuna jipapashmi apostolcuna y Jerusalén llactapa ancianocunapashmi Taita Diospa ñaupapi ali ricuringapaj munashpaca yahuarta charij micunacunamandaca jarcarinami canchi nishpa cutin tigrashpa nirca (Hech. 15:​20, 29).

Bibliapi huaquin palabracuna cutin cutin repitishca cajpipash tucui cosascunamanda cutin cutin repitina costumbreta charichunga Jehová Diosca na munanllu. Chaimandallata parlashpami Jesusca, Taita Diosta: ‘Mañajushpaca, na chaitallata chaitallata nishpaca, na cutin cutin mañajunachu cangui’ nircami (Mat. 6:7). Shinallata Jehovata mañajushpaca shuj shuj cosascunamanda mañai ushashcatapashmi nirca. Y cai mañashcacunaca Jehová Dios munashcashnami cana carca (Mat. 6:​9-13). Jehovata mañashpa na chai palabracunatallata cutin cutin repitishpapash imacunamandalla Jehovata mañajushcataca siempremi mañashpa catita ushapanchi (Mat. 7:​7-11).

Bibliapi huaquin palabracuna cutin cutin repitishca tiajuimandami Jehová Diosca ñucanchita aliguta yachachingapaj chaicunata utilizan (Is. 48:​17, 18).