1. Terremotocuna

“Alpa mama ninanda chujchushpa tucuchijuipash [...] tianga” (LUCAS 21:11).

● Haití llactapi llaqui terremoto tiashca jipa huaquin periodistacunaca huasicuna urmashca ucupi pichari quejarijujtami uyarca. Chaipica huata chaupiguta charij Winnie shuti huahuagumi cashcarca. Chai huahuaguca salvarijpipash paipa taitacunaca huañurcami.

INVESTIGACIONGUNACA ¿IMATATA RICUCHIN? Huata 2010​pi enero quillapi Haití llactapi jatun terremoto tiajpica 300.000 yali gentecunami huañurca. Cutin 1.300.000 gentecunaca huasi illajmi quedarca. Shina llaquicunaca na Haití llactapillaca tiashcachu. Mundo enteropimi tiashca. Abril 2009​manda Abril 2010​camanga más o menos 18 jatun terremotocunami tiashca.

¿IMATATA HUAQUINGUNACA NISHCA? Huaquingunaca terremotocuna cunanbi miraitaimanga na ashtahuan mirashcachu. Cunanbica tecnologiacuna ashtahuan tiaimandami tucuita imatapash villanajun ninmi.

¿CHAICA CIERTOCHU CAN? Bibliapica tucurimui punllacunapi mashna terremotocunapacha tianataca na nijunllu. Pero, ‘alpa mama chujchuicunaca shuj shuj llactacunapimi tianga’ nijunmi. Chaicunaca tucurimui punllacunapi causanajushcatami ricuchin (Marcos 13:8; Lucas 21:11).

¿IMATATA YUYAPANGUI? Cunanbica ¿Bibliapi nishcashnachu jatun terremotocunaca tian?

Ashtaca terremotocuna tiashcata ricuimandallaca tucurimui punllacunapi causanajushcataca na ni ushapanchichu. Shinapash terremotocuna tiashcata ricushpaca Bibliapa shuj profecía pactarijushcatami ricupanchi. Cunanga shuj profeciatapash ricupashunchi.

[Comentario]

“[Geofisicocunaca] cai alpa chujchuicunata estudiaimandami jatun terremotocuna nishpami rijsipanchi. Shinapash gentecunaca imapash ninanda llaquichij cashcatami nin”. (KEN HUDNUT, SERVICIO GEOLÓGICO DE ESTADOS UNIDOS)

[Reconocimiento]

© William Daniels/Panos Pictures