Ima llaquicunapi cashpapash, Taita Dios ayudanata crishpa cutin cutin mañachunmi Taita Diosca munan (Lucas 18:1-7). Ñucanchi mañashcacunataca Taita Diosca uyajunmi. Shinaca Taita Dios mañachun munajpica ¿nachu paita mañana capanchi? (Filipenses 4:6, liipangui.)

Oracionda rurashpami Taita Diosta mañanchi, paimanbash quimirinchi (Salmo 8:3, 4). Ñucanchi imashina sintirishcata Diosman villashpaca, paipamanmi ashtahuan quimirinchi. (Santiago 4:8, liipangui.)

Taita Diosca na munanllu cutin cutin chaitallata nishpa, pipash na intindij shimicunahuan mañachun. Shayarishpa, cungurishpa o tiarishpa mañana cashpapash tucui shunguhuan mañachunmi munan (Mateo 6:7). Israelitacunapa tiempopi causashca Ana shuti huarmiguca, paipa familiapi shuj jatun llaquita charishpami Diosta ayudahuai nishpa mañarca. Cutin shuj viajeca chai llaquicunata ñana charishpami Taita Diosta agradicingapaj mañarca. (1 Samuel 1:10, 12, 13, 26, 27; 2:1, liipangui.)

Problemacunata charishpaca Taita Diosman villapashunchi. Taita Diosta mañashpaca tucuipi ayudajushcamanda agradicishpa, alabashunchi. Shinaca, Taita Diosta mañanataca ama cungapashunchichu. (Salmo 145:14-16, liipangui.)