CALLARI TEMA | ¿TAITA DIOSPA ALI RIJSI TUCUITA USHANCHICHU?
¿Quiquinga Taita Diospa ali rijsichu cangui?
Ghana llactamanda Christopher shuti huambraguca ninmi: “Taita Diospa ali rijsi caimandami ali sintirishpa imatapash na manllani. Taita Diosca ñuca cushilla cachunmi siempre ricuriajun” nishpa.
Estados Unidosmanda 13 huatata charij, Hannah shuti cuitsaguca ninmi: “Llaquilla cajta ricushpami Taita Diosca llaquishpa ninanda cuidariajun cashca” nishpa.
Jamaica llactamanda 45 huatacunatashna charij huarmiguca ninmi: “Taita Diosca shuj ali rijsitashnami ñucataca ricujun. Chaita yachashpami imatapash na manllani. Taita Diospa rijsi canataca ninandami alicachini” nishpa.
Mundo enteromanda ashtaca gentecunapashmi yashca, Taita Diospa alipacha rijsimi cani nishpa. Shinapash quiquinga ¿imatata pensapashcangui? ¿Taita Diospa rijsi tucungapaj o paipa ashtahuan ali rijsi cangapaj munanguimanllu? Huaquinbica pensanchipashchari, gentecunaca maitashi Taita Diospa rijsi tucuitaca usharinga nishpa.
TAITA DIOSPA RIJSI TUCUITA USHANCHIMI
Bibliapica ninmi, gentecunaca Taita Diospa rijsi tucuita ushanmi nishpa. Chaimandami Isaías 41:8pica Taita Diosca paita ali sirvij Abrahandaca nirca: ‘Ñucapa ali cumba’ o ñucapa ali rijsimi cangui nishpa. Santiago 4:8pipash ninmi: ‘Taita Diospaman quimirichi. Quimirijpica paipashmi cangunapaman quimiringa’ nishpa. Imashinami ricunchi, Taita Diosca gentecuna paipaman quimirishpa paipa rijsi tucuchunmi munan. Shinapash Taita Diosta na ricui ushashpaca ¿imashinata paipa rijsi tucuita ushashun?
Pensaripashunchi, ashtaca gentecunaca na rijsishca gentecunahuan parlai callaringapaca shutita villashpara, shutita yachashparami parlai callarin. Chai jipami asha asha imacunatapash parlashpa rijsi tucun. Randimanda ayudarishpacarin alipacha rijsicunami tucun. Taita Diospa rijsi cangapajpash shinallatami rurana canchi. Shinapash imata ruranata yachangapaca chaishuj temata ricupashun.
Cai temacunata ashtahuan liipai
VILLAJUN REVISTA
Taita Diospa shutitaca ¿rijsipanguichu?
Taita Diosca paipa shutita villashpami Bibliapica nin: “Ñucaca Jehovami cani. Chaimi ñuca shuti can” nishpa.
