Colombia llactamanda Nicole shuti joven paniguca, “ñucapa Salón del Reinotaca ninandami alicachini” ninmi. ¿Imashpata chai paniguca paipa Salón del Reinotaca ninanda alicachin? “Salón del Reinopica ñucapa familia espiritualhuan tandanajushpami ninanda cushijuni” ninmi. ¿Quiquinbashchu chai panigushna sintiripangui?

 Mundo enteropica, casi 63 mil Salón del Reinocunapimi testigo de Jehovacunaca tandanajunchi. Chai Salón del Reinocunaca, Jehová Diosta adorangapaj pushtucunami can. Colombia llactamanda David shuti precursor regular huauquica ninmi: “Salón del Reinocunapimi juyaillagutapacha yachajupanchi. Mushuj shamuj gentecunaca, Salón del Reinocunata aliguta cuidashpa charishcata ricushpami, manllarishpa ricun” ninmi. Salón del Reinocunata aliguta cuidashpa charingapaca, limpiana y mantenimientota ruranapashmi minishtirin. Limpiangapaj y mantenimientota cungapaca ¿imatata rurapanchi?

 Salón del Reinopi tandanajuj congregaciongunallatami mantenimientotaca ruran. Chaimi huauquipanicunaca seguido limpiezata ruran. Shinallata, nara imapash huaglijpillatami uchalla mantenimientotapash ruran, imacuna arreglana cajpipash uchallami arreglan.

 Congregaciongunata ayudangapaca, Departamento Local de Diseño y Construcción (LDC) nishcami tian. Paicunami congregaciongunapi huauquipanicunaman mantenimientota imashina ruranata yachachichunga, huaquin huauquicunata capacitacionda cuchun agllan. Chai huauquicunaca entre 6 y 10 Salón del Reinocunamanda huauquipanicunatami yachachin. Salón del Reinocunata imashina cuidanata yachachingapaca, paicunapa Salón del Reinocunaman rishpami yachachin. Cada quimsa huatami Salón del Reinocunataca revisan, imacunapi mantenimientota minishtijushcatapash ricun y ima peligrocuna tiajtapash ricun.

 Salón del Reinota imashina cuidanata yachajushca huauquipanicunaca ninandami agradicin. India llactamanda Indhumathi shuti paniguca ninmi: “Alipacha cosascunatami yachajurcanchi. Ñucanchi Salón del Reinota aliguta cuidanata yachajushpaca, ninandami cushijurcani” ninmi. Kenia llactamanda Evans shuti huauquica ninmi: “Nara imapash huaglitapacha huaglijpillata uchalla arreglanaca, importante cashcatami yachajurcanchi. Shina rurashpaca ashtaca culquimi ahorrarin cashca” ninmi.

 Huata enterota Salón del Reinocunata ocupangapaj y mantenimientota cungapaca, maipi cajta, ima tiempomanda cajta, mashna congregacionguna ocupajta ricushpami, cada huata ashtaca dólar a culquicuna minishtirin. ¿Imashinata chai gastocunataca paganchi?

 Salón del Reinocunapi gastocunataca donaciongunahuanmi paganchi. Kazajistán llactamanda huauqui Alexanderca ninmi: “Donación cushca huaquin culquihuanga, internetmanda, yacumanda, michamandami paganchi. Cutin huaquin culquihuanga, papelcunata, guantescunata, limpiezapa tucui minishtirishca cosascunata, pintangapaj pinturacunatami randinchi” ninmi. Chaimanda puchushca culquitaca, mundo enteropi ashtahuan valishca, jatun proyectocunata rurachunmi, obra mundialpa donacionbi churanchi.

 Huaquinbica Salón del Reinota ocupangapaj ishcai o quimsa quillacunata gashtashca culquitapash yalimi, shujlla proyecto de mantenimientopa minishtirin. Chai casocunapica, ancianocunami LDCmanda capacitacionda cuj huauquihuanmi parlan. LDCpi sirvij huauquicuna aprobacionda cujpica, obra mundialpa cushca donaciongunatami ocupan. Año de servicio 2023​pica, 8 mil 793 proyecto de mantenimientocunapimi obra mundialpa cushca donaciongunataca ocuparcanchi. Chaipica 76.6 millón dolarcunatami gashtarcanchi. Ishcai ejemplocunata ricupashun.

 Angola llactapica, hace 15 huatacunami shuj Salón del Reinota rurarca. Chaimandami chai salonbica ashtaca cosascunata arreglana minishtirijurca. Por ejemplo, micha partemanda arreglanacunami ricurirca, pircacunapash partirishcami carca. Vecinocunapash, salonmanda yacumi huasicunaman yalimujuj nishpami quejarinajurca. Chai tucuilla problemacunata arreglangapami LDCmanda huauquicunaca, 9 mil 285 dolarcunata gashtarca. Vecinocunaca alipacha trabajota rurashcata ricushpami, contento quidashpa ninanda agradicinajurca.

 Polonia llactapica, shuj Salón del Reinopa techopica ashtaca utujucunatami yacu yalijurca. Alfombrapash huaglishcapachami carca. LDCpi sirvij huauquicunaca, techota arreglangapaj y alfombrata cambiangapapashmi aprobacionda curca. Chaipica 9 mil 757 dolarcunami gashtarirca. Pero shina aliguta arreglashcamandami, chai salonbica jatun mantenimientocunata ruranaca unaillata ñana minishtiringa.

 Ñucanchi Salón del Reinocunata aliguta cuidashpaca, na solo culquitallachu ahorranchi, sino Jehová Diostapashmi alabanchi. Tonga llactapa archipielagomanda Shaun shuti huauquica ninmi: “Salón del Reinocunaman mantenimientota cushpami, limpio, ordenado, tucui ali funcionajuj pushtupi Jehová Diostaca adoranchi. Shinami ñucanchi llactacunapica, Jehová Diospa shutitaca ashtahuan altopi churanchi. Chaimi ñucanchi Salón del Reinocunamanga nimata na pinganayachishpa tucui gentecunata cushijushpa invitapanchi” ninmi.

 Tucuicunami ñucanchi Salón del Reinocunata limpiashpa, mantenimientota cushpa ayudaita ushapanchi. Australia llactapi mantenimientota rurachun capacitacionda cuj Marino shuti huauquica ninmi: “Ñucanchi Salón del Reinocunata cuidanaca shuj jatun privilegiomi can. Tucuicunami ayudashpa chai privilegiota chari ushapanchi. Salón del Reinocunaman mantenimientota cushpaca, donacionba cushca culquicunataca ashtacatami ahorranchi. Chaimi chai ahorrashca culquicunataca minishtirishca pushtucunapi ocupai ushapanchi” ninmi.

 India llactamanda Joel shuti huauquica Salón del Reinopa mantenimientopi ayudanataca ninandami gushtan. Paica ninmi: “Huauquipanicunahuan ayudarishpa trabajashpami, paraisopi imashina tucuicunahuan ayudarishpa trabajanata pensarini” ninmi. Nicole paniguca caitapashmi nin: “Chairallami huauquicunaca bañopa techopi yacu yalijujta arreglarca. Ñucaca yacu shutushcata chaquichishpami ayudarcani. Aunque techota na arreglashpapash, yacu shutushcata chaquichishpami pipash ama urmachun ayudarcani” ninmi.

 Quiquinba Salón del Reinopa mantenimientopi ayudangapaj munashpaca, quiquinba congregacionba ancianocunahuanmi parlana capangui. Quiquin churashca donaciongunaca na solo quiquinba Salón del Reinota cuidangapallachu sirvin, sino mundo enteropi Salón del Reinocunata cuidangapapashmi sirvin. Donaciongunataca quiquinba Salón del Reinopa caja de contribuciongunapimi churaita ushapangui. Na cashpaca donate.dan124.com paginapimi donaciongunataca rurai ushangui. Quiquinba donaciongunamandaca ashtacatami agradicipanchi.