Shuj huauquica Bengalí shimipi Traducción del Nuevo Mundo de las Escrituras Griegas Cristianas o Mushuj Testamento Biblia llujshichunmi “19 huatacunata shuyajushcani” nin. Chai huauqui cuendami ashtaca gentecunaca paicunapa propio shimipi Traducción del Nuevo Mundo Bibliata charishpaca chashnallata nishca. Pero Traducción del Nuevo Mundo Bibliata llujchingapaj, traducingapaca ¿imatallata ruran nishpa tapuripashcanguichu?

 Primeroca, Comité de Redacción del Cuerpo Gobernantepi sirvij huauquicunami picunalla Bibliata traducinataca agllan. Bibliata traducinataca ¿mashna tiempopita tucuchin? Nicholas Ahladis huauquica Warwick Nueva York llactapimi Servicios de Traduccionbi sirvin, paica nin: “Bibliata traducingapaca huaquin cosascunatami ricuna canchi. Por ejemplo picunalla traducinata, traducigrijuj shimipi traducingapaj shinlli o fácil cashcatami ricuna can. Shinallata Bibliata traducishcata ricujcuna mashna tiempota paraj cashcatami ricuna can. Shinallata shuj shuj ladocunapi chai shimitallata imashina parlajtami ricuna can. Bibliata traducijcunaca Escrituras Griegas Cristianas Bibliata traducinataca shuj o quimsa huatapimi tucuchin. Cutin tucuilla Bibliata traducinataca chuscu huatacunapimi tucuchin. Señas shimipi Bibliata traducinaca ashtahuanmi paran”.

 Bibliata traducijcunaca traducishca Bibliata ricuchunmi, shuj shuj ladocunamanda huauquipanicunapa ayudata, huaquinbicarin shuj llactacunamanda huauquipanicunapa ayudatami minishtin. Traducishca Bibliata ricushpa ayudaj huauquipanicunaca na imatapash cobranllu. Cai huauquipanicunapa ayudami Bibliata cabal, fácil, intindirinallata traducichun ayudan. Sudáfrica llactamanda Bibliata traducinata yachachij huauquica ninmi: “Bibliata traducijcunapaca Jehovapa ñaupapi, Bibliata liij gentecunapa ñaupapi shuj jatun responsabilidad cashcatami ricun”.

 Bibliata traducishpa tucuchishca jipami imprimina, forrana can. Bibliata llujchingapaca huaquin materialcunami minishtirin: Papel, tinta, manñacunapi brillajuj hojacuna, cintacuna, shuj shuj materialcunatami minishtin. Huata 2019pica Bibliata rurangapaj materialcunapica 20 millones de dolarcunami gashtarirca. Chai huatapillatami Bibliata rurangapaj, congregaciongunaman cachangapaca imprimishpa sirvij huauquicunaca 300.000 yali horascunata pararca.

 Bibliata rurangapaca ¿imamandata ashtaca tiempota, ashtaca culquita gashtanaca minishtirishca? Departamento Internacional de Impresionbi sirvij huauqui Joel Blueca ninmi: “Tucui publicaciongunamandaca Bibliami ashtahuan importante can, chaimi Taita Diosta jatunyachingapaj, gentecunaman villachingapaca Biblia ali ricurichun ruranchi”.

 Traducción del Nuevo Mundo Bibliata tucui huauquipanicunapa rurashpapash, na ricui ushaj, carcelpi caj huauquipanicunapajpashmi Bibliataca ruran. Por ejemplo, Traducción del Nuevo Mundo Bibliaca braille nishcapica 10 shimicunapimi tian. Shujlla Bibliata braille nishcapi rurangapaca 8 horascunatami paran. Braille nishca Bibliaca huaquin librocunami can, chaimi chai librocunata churangapaca lugarlla pushtuta minishtin. Shinallata carcelpi caj huauquipanicunapa Bibliata rurashpaca, Bibliapa forrotaca papelhuanllami ruran.

 Ashtaca gentecunapa causaipimi Traducción del Nuevo Mundo Bibliaca ayudashca. Por ejemplo Kiluba shimita parlaj congregacionga Tombe llactapimi can, Tombe llactaca República Democrática del Congopa capitalmandaca 1.700 kilometrocunata carupimi can. Chai llactapi huauquipanicunaca tucuicunapami shujlla Bibliata charirca, chai Bibliaca punda tiempomanda shimicunapi escribishcami carca. Shujlla Bibliata charimandami tandanajuicunapa, asignaciongunapa prepararingapaj randimanda huauquipanicunaca Bibliataca mañachirin carca. Cunanga agosto del 2018 huatamandapachami Kiluba shimita parlaj huauquipanicunaca Traducción del Nuevo Mundo Bibliataca paicunapa propio shimipi charin.

 Alemán shimita parlaj shuj panica paipa propio shimipi llujshishca Bibliamandaca cashna nin: “Cunanga Bibliataca imahorata liisha nishpaca na tapurinichu, ashtahuangarin imahorashi ashtahuan liita ushasha yuyanimi”. Shinallata carcelpi caj shuj jarica cashna nishpami escribirca: “Traducción del Nuevo Mundo Bibliata liinami ñuca causaipica ayudajuhuashca. Pundaca Bibliata liishpapash na intindinllu carcani, cunanga Traducción del Nuevo Mundo Bibliata liinami aliguta intindichun ayudahuashca. Testigo de Jehovacunataca ashtahuanmi rijsingapaj munani, ñucapash paicunashna cangapami munani”.

 Traducción del Nuevo Mundo Bibliata charishcamandaca tucuicunami agradicinchi. Tucui huauquipanicuna contribucionguta carashcamandami Bibliata rurai ushashcanchi. Mundo enteromanda huauquipanicuna contribución culquiguta imashina ashtahuan carajtaca donate.dan124.com paginapimi ashtahuan ricuchin. Contribución culquiguta carashcamandami tucuicunata ninanda agradicipanchi.