Cunanbica decenciata na charishpa nali portarij gentecunaca ashtahuanmi mirajun. Por ejemplo, ungushcacunapash doctorcunataca groserota rimanllami. Restaurantepi gentecunapash meserocunataca sin respeto tratanllami. Avionbi pasajerocunapash azafatacunataca yangata rimanllami. Huahuacunapash profesorcunamandaca burlarinllami. Hasta amenazashpa, atacaitapash atacanllami. Huaquin politicocunapash pingaipami comportarin. Cutin shuj politicocunaca honrado cashcatami ricuchingapaj esforzarin.

 Bibliapica decenciata charishpa imashina ali portarinatami yachachijun. Shinallata, cunan tiempocunapi decenciata na charimanda nali portarij gentecuna imamanda mirajushcatapashmi explicajun.

 Decencia ima cajta ñana intindishpami ima ali cajta o nali cajta na yachan gentecunaca mundo enteropi ashtahuan miranajun.

•   Shuj encuestapica, cai último 22 huatacunapimi Estados Unidospica ima comportamiento ali cajta o nali cajta na yachaj gentecuna ashtahuan miranajun nin (Gallup poll).

•   Shinallata 28 llactacunapipashmi 32 mil gentecunata shuj encuestata rurarca. Chai tucui gentecunamanda 65 por cientoca cunanbimi decenciata na charishpa ima ali cajta, ima nali cajta na intindij gentecunaca ashtahuan ashtahuan mirashca nin.

 Bibliaca cunan punllacunapi shina pasanataca punda tiempomandallatami ña villajurca.

•   ‘Último punllacunapica shinlli, na aguantai ushanalla tiempocunami chayamunga. Porque gentecunaca paicunapilla pensarijcuna, culquitapash ninanda juyajcuna, jariyashpa parlajcuna, cridoyashcacuna, Taita Diospa contra y shujcunapa contra rimajcuna, taitamamatapash na cazujcuna, malagradecidocuna, na controlarinata yachajcuna, millai millaicunami canga’ (2 Timoteo 3:1-3).

 Chai profecía imashina pactarijujta yachangapaca “¿Bibliapica cunanbi gentecuna imashina canataca ñachu nishcarca?” temata ricupangui.

 Cai mundopi gentecuna decenciata na charishpa nali portarinajujpipash, ashtaca gentecunaca Bibliapimi imashina ali portarinataca yachajushca. Bibliapi consejocunaca ‘causaita causaicamanbash, tucui causaicamanbash’ alipachami canga (Salmo 111:8). Huaquin ejemplocunata ricupashun:

•   Bibliapica ninmi: “Imatami cangunamanda rurachun munanguichiman, chaitallatami shujcunamandapash rurana canguichi” (Mateo 7:12).

   ¿Imata significan? Imashinami ñucanchitaca llaquishpa respetohuan tratachun munanchi, shinallatami shujcunatapash tratana capanchi.

•   Bibliapica ninmi: “Cunanga ima llullacunatapash ñami ladoman saquishcanguichi. Chaimandami cada uno ciertota shujcunamanga parlana capanguichi” (Efesios 4:25).

   ¿Imata significan? Imata parlashpa, imata rurashpapash siempremi honrado cana capanchi.

 Ashtahuan yachangapaca:

•   Villajun revistapi “Ima ali, ima nali cajta yachachunga ¿imata ayudanga?” temata ricupangui.

•   “Tolerancia | Bibliami ayudaita ushan” tematapash ricupangui.