Organización Mundial de la Salud nishcashnaca huarmicunata maltratanaca mundo enteropi shuj epidemiashnami can nircami. Chai problemata imashna tucuchinataca na yachanllu. Organización mundial de la Salud calculashcashnaca casi 30% huarmicunami paicunapa parejacunamanda violai tucushca o maltratai tucushca. Caina huataca ONU shuj informepi nishcashnaca cashnami villarca. Cada punllami casi 137 huañushca huarmicunaca paicunapa cusacuna huañuchijpillata o paicunapa propio familiacuna huañuchijpi huañushca nirca. a

 Cashnapacha huañuicuna tiajta ricushpami maltrato shuj jatun problema cashcata ricupanchi, pero maltratai tucushca gentecuna imashina sintirijtaca na villaita ushanllu.

 ¿Quiquinbashchu maltratai tucupashcangui? ¿Pipash maltratai tucushcata yachapanguichu? Shina cajpica Bibliamanda japishca yuyaicunami ayudaita ushapanga.

  Quiquinga na culpata charipanguichu

  Ayudata mascapai

  Solollaca na capanguichu

  Maltratai tucunaca tucuringami

  Maltratai tucushcacunataca imashinata ayudaita ushapanchi

 Bibliapica cashnami nin: “Ñucanchicuna imata rurashcata ricushpami, Taita Diosca cada unota juzganga” (Romanos 14:12).

 Caita yuyaripai: Quiquinda maltratajuj persona imacunatalla rurajushcamandaca Taita Diosmi juzganga.

 Quiquinba pareja canba culpamandallatami maltratanajuni nijpica paica nalitami nijun. Tucui huarmigucunami juyaihuan tratachun munan (Colosenses 3:19).

 Huaquinbica maltratadorcunaca paicunapa yuyaipi shuj problemata charimanda, naliguta viñashcamanda o yapata tragota ufiaimandami chashna problemacunata charita ushan. Imashna cashpapash Taita Diospa ñaupapi aliguta tratana responsabilidadtami charin. Maltratadormi cambiangapaj ninanda esforzarina can.

 Bibliapica cashnami nin: “Ali yuyaita taucacuna cujpimi, shinllipacha tucun” (Proverbios 15:22).

 Caita yuyaripai: Seguro na sintirijushpa, imata ruranata na atinajushpaca shuj ayudatami mascana capangui.

 Shujcuna ayudachunmi minishtipangui. Shuj shuj cosascunapi preocupado caimandami imata decidinata talvez na atinapangui. Por ejemplo:

•   Quiquin ali sintirinata decidina

•   Quiquinba huahuacuna ali sintirichun decidina

•   Culquimanda decidina

•   Quiquinba parejata juyaimanda imata ruranata na atinana

•   Quiquinba pareja cambianata yuyashpa paihuan causashca catinata decidina

 Cai problemacunamanda imata ruranata na atinanaca normalmi can. Chashna pasajpica picunapa ayudatata mascana capangui.

 Familiapa o shuj amigo de confianzapa ayudatami mascana capangui. Paicunami emocionalmente y shuj cosascunata rurashpapash ayudaita ushanga. Quiquinmanda preocuparij personahuan parlashpami ali sintirita ushapangui.

 Maltratai tucushcacunata ayudaj número telefonotami charina capangui. Chai numerocunaman cayajpimi paicunaca jaicata ayudaita ushapanga. Chai numerocunaman cayajpimi quiquin imapash ama pasachun imata ruranata ricuchipanga. Quiquinba pareja cambiangapaj munajpica chai numerocunamanmi cayaita ushapangui. Paicunami quiquinba pareja cambiachun ayudaita ushapanga.

 Shuj organizaciongunapa ayudacunatapashmi mascana capangui. Chai oficinacunami quiquin peligro cajpica doctorcunapa, enfermerocunapa o shuj profesionalcunapa ayudapashmi mascaita ushanga.

 Bibliapica cashnami nin: “Mandaj Diosca, shungupi ninanda llaquirishpa causajcunapaj ladopimi. Shungupi ninanda llaquirishpa causajcunatami quishpichin” (Salmo 34:18).

 Caita yuyaripai: Taita Diosca ayudasha nipanmi.

 Jehová b Diosca quiquinmandaca ninandami preocuparipan (1 Pedro 5:7). Paica ima pasajujta alimi yachan. Quiquin imata yuyajujta imashina sintirijujtaca alimi yachan. Taita Diosca paipa Shimi Bibliahuanmi quiquindaca consolaita ushapanga. Taita Diosca paita mañachun ali yachaita mañachun y fuerzasta mañachunmi munan. Shina rurashpami llaquicunataca mishaita ushapangui (Isaías 41:10).

 Bibliapica cashnami nin: “Tucuicunami paicunapa uvas yura ucupi, jigos yura ucupi tiarishpa samanajunga. Chaipica, pipash na manllachingachu” (Miqueas 4:4).

 Caita yuyaripai: Bibliapica tucui familiacunami cushilla ali causaiguta charinga ninmi.

 Jehová Diosllami tucui llaquicunata tucuchina ushaitaca charin. Bibliapica ninmi “gentecunapa ñavimandaca tucuilla viquita fichachinga. Huañuipash nunca más ñana tiangachu. Ima llaquipash, huacaipash, ima nanaipash nunca más ñana tiangachu” (Apocalipsis 21:4). Chai punllacunapica nali yuyaicunataca na yuyarishunllu. Mushuj yuyaicunata ali yuyaicunatami charishun (Isaías 65:17). Bibliapica jipa punllacunapi tranquilo ali causaigu tianatami quiquinmanga ofrecen.